Broom Rules: ఇంట్లో చీపురు ఏ మూల పెడితే ఐశ్వర్యం.. లక్ష్మీదేవి కటాక్షం ఉండాలంటే ఈ తప్పులు చేయొద్దు

చీపురును లక్ష్మీదేవి స్వరూపంగా భావిస్తారు.. వాస్తుశాస్త్రం ప్రకారం.. చిపురు చెత్త (దరిద్రం)ను తొలగించి, శుభ్రత ద్వారా లక్ష్మీ కటాక్షాన్ని కలిగిస్తుంది. అయితే.. ఇంట్లో చీపురును ఎక్కడ పెట్టాలి, ఎలా ఉపయోగించాలి అనే విషయాలపై అనేక ధర్మసందేహాలు నెలకొన్నాయి. వాస్తు, సంప్రదాయాల ప్రకారం చీపురు నిర్వహణకు కొన్ని నియమాలున్నాయి. ఈ నియమాలను పాటించడం ద్వారా ఇంట్లో ఐశ్వర్యం, శుభాలు కలుగుతాయని నమ్ముతుంటారు. ముఖ్యంగా, ఇంట్లో రెండు చీపుర్లను ఒకేచోట కలిపి ఉంచకూడదు. ఇది అశుభమని కొన్ని నమ్మకాలు చెబుతున్నాయి. చీపురును ఊడిన తర్వాత, దాని ఊడ్చే భాగాన్ని కిందకు ఉంచి పెట్టకూడదు. అలా చేయడం వల్ల చీపురు పాడైపోతుంది.. అది సరియైన పద్ధతి కాదు. బదులుగా, చీపురును తలకిందులుగా, అనగా ఊడ్చే భాగం పైకి ఉండేలా నిలువుగా లేదా పడుకోబెట్టి ఉంచాలి.

చీపురును పెట్టే స్థలం కూడా చాలా ముఖ్యం. ఈశాన్య మూలలో చీపురును అస్సలు ఉంచకూడదు. ఈశాన్యం అనేది దైవిక శక్తికి సంబంధించిన ప్రదేశంగా పరిగణించబడుతుంది. చీపురును నైరుతి లేదా పడమర దిశలో ఉంచడం శ్రేయస్కారం.. ఇది ఆర్థిక సమస్యలను తగ్గించి, లక్ష్మీదేవి అనుగ్రహాన్ని కలిగిస్తుందని నమ్ముతారు. అలాగే, ఇంట్లోకి వచ్చే అతిథులకు లేదా కుటుంబ సభ్యులకు తరచుగా కనిపించే ప్రదేశంలో చీపురును పెట్టడం మంచిది కాదు. ఎవరికీ కనిపించని, ఒక ప్రశాంతమైన మూలలో ఉంచడం శ్రేయస్కరం. చీపురు, చెత్తాచెదారం చూడడానికి ఇష్టపడరు కాబట్టి, వాటిని ఎవరి కంటా పడకుండా ఉంచడం మంచిది.

ఇల్లు ఊడ్చే విధానంలో కూడా కొన్ని పద్ధతులు పాటించాలి. ఇల్లాలు సాధారణంగా ఈశాన్య మూలకు ఊడవకూడదు. ఈశాన్యం వైపు కాకుండా దక్షిణం వైపుకు ఊడవాలి. అలాగే, ప్రతి గదిలో చెత్తను ఆ గదిలోనే ఊడ్చి, అక్కడే తీసివేయాలి. ఒక గదిలోని చెత్తను గుమ్మాల మీదుగా మరొక గదిలోకి నెట్టడం లేదా ఊడవడం అస్సలు చేయకూడదు. గుమ్మాన్ని శ్రీమహాలక్ష్మి స్వరూపంగా భావిస్తారు. పసుపు, కుంకుమలతో అలంకరించుకోవాల్సిన గుమ్మాల మీద చెత్తను ఊడ్చడం అపచారం. ఇది ఇంట్లో అశుభాలను తీసుకొస్తుందని నమ్మకం.

చీపురును ఎప్పుడూ కాళ్ళతో తొక్కకూడదు. చీపురు పవిత్రమైన వస్తువుగా పరిగణిస్తారు. ఒకానొక దేవత ఒక భక్తురాలికి వరంగా ఇచ్చిందని కూడా ఒక కథ ఉంది. కాబట్టి, పనికొచ్చే వస్తువులైనా, పనికిరాని వస్తువులైనా ఏదైనా సరే కాళ్ళతో తొక్కడం మంచి పద్ధతి కాదు. ఇది అగౌరవానికి సంకేతం.

చీపురు కొనుగోలుకు ప్రత్యేకమైన రోజులు ఏమీ లేవని నిపుణులు చెబుతున్నారు. సాధారణంగా సరుకులు కొనేటప్పుడు, నూనె లేదా ఉప్పు వంటి వాటికి కొన్ని నియమాలు ఉన్నప్పటికీ, చీపురు విషయంలో అలాంటి నియమాలు లేవు. అవసరమైనప్పుడు ఎప్పుడైనా కొనుగోలు చేయవచ్చు. ఈ నియమాలను పాటించడం ద్వారా ఇంట్లో సంపద, శాంతి, శ్రేయస్సు కలుగుతాయని విశ్వసిస్తారు.

Note: ఈ వార్తలోని సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది.. గమనించగలరు..