Festivals in June: జూన్ 2026 పండుగలు, శుభ ముహూర్తాలు: వివాహ, గృహ ప్రవేశ, అన్నప్రాశన తేదీలు

జూన్ 2026 నెల ఆధ్యాత్మిక, ధార్మిక కార్యక్రమాలకు ఎంతో ప్రాధాన్యత కలిగిన కాలంగా భావించబడుతోంది. ఈ నెల మొత్తం హిందూ పంచాంగం ప్రకారం నిజ జ్యేష్ఠ మాసంలో కొనసాగుతుంది. అధిక మాసం అనంతరం ప్రారంభమైన ఈ నిజ జ్యేష్ఠ మాసం జూలై 14, 2026 వరకు ఉంటుంది. ఈ కాలంలో పలు ముఖ్యమైన పర్వదినాలు, వ్రతాలు, ఏకాదశులు, అమావాస్య, పౌర్ణమి వంటి విశేష తిథులు భక్తులకు ఆధ్యాత్మికంగా ప్రత్యేక ఫలితాలను అందిస్తాయని విశ్వసిస్తారు. అలాగే వివాహాలు, గృహప్రవేశాలు, ఉపనయనాలు, వ్యాపార ప్రారంభాలు వంటి శుభకార్యాలకు అనుకూలమైన ముహూర్తాలు కూడా ఈ నెలలో లభిస్తున్నాయి. అందువల్ల జూన్ నెలలో పండుగలు, వ్రతాలు, శుభ ముహూర్తాల వివరాలను ముందుగానే తెలుసుకుని ఆచరించడం ద్వారా భక్తులు ఆధ్యాత్మిక, కుటుంబ, సామాజిక శ్రేయస్సును పొందవచ్చని పండితులు సూచిస్తున్నారు.

• జూన్ 1వ తేదీ బహుళ పాడ్యమి రోజున సాధారణ పూజలు చేసుకోవచ్చు.
• 2వతేదీ బహుళ విదియ నాడు తెలంగాణ రాష్ట్ర అవతరణ దినోత్సవం, యమునా నది పుష్కరాలు ప్రారంభమవుతాయి. ఈ రోజున సాధారణ పూజలు చేసుకోవచ్చు.
• 3వ తేదీ తదియ కూడా సాధారణ పూజలకు అనుకూలం.
• జూన్ 4న సంకష్ట హర చతుర్థి వస్తుంది. ఈ రోజున అన్నప్రాశన, ఊయల వేయడం, క్రయ విక్రయాదులు వంటివి చేయవచ్చు.
• 5వ తేదీ శుక్రవారం బహుళ పంచమి నాడు శ్రవణ నక్షత్రం ఉంది, అన్నప్రాశన, క్రయ విక్రయాదులకు అనుకూలం.
• 6వ తేదీ శనివారం, బహుళ షష్ఠి నాడు సుబ్రహ్మణ్య షష్ఠి పూజలు, అభిషేకాలు, అన్నప్రాశన, ఊయలలో వేయడం, సీమంతం వంటివి చేయవచ్చు.
• 7వ తేదీ భాను సప్తమి నాడు ధనిష్ట నక్షత్రం ఉంది, అన్నప్రాశన, ఊయలలో వేయడం, క్రయ విక్రయాదులకు మంచిది.
• 8వ తేదీన మృగశిర కార్తె ప్రారంభమవుతుంది, శుభకార్యాలు లేవు కానీ శివుడికి అభిషేకాలు, దానధర్మాలు చేసుకోవచ్చు.
• 9వ తేదీ మంగళవారం బహుళ నవరాత్రి రోజున ఇంట్లో నిత్య దీపారాధన చేసుకోవాలి.
• 10వ తేదీ బుధవారం బహుళ దశమి నాడు ఉత్తరాభాద్ర నక్షత్రంలో అన్నప్రాశన, ఊయలలో వేయడం, సాధారణ కార్యాలు, వస్తు క్రయ విక్రయాదులు చేయవచ్చు.
• 11వ తేదీన మతత్రయ ఏకాదశి వస్తుంది. ఈ రోజు శివుడికి అభిషేకం, పూజలు చేయవచ్చు. అశ్విని నక్షత్రంలో అన్నప్రాశన, చిన్న పిల్లలను ఊయలలో వేయడం, సాధారణ కార్యాలు, వస్తు క్రయ విక్రయాలు చేసుకోవచ్చు. 12వ, పదమూడవ తేదీలలో సాధారణ పూజలు చేసుకోవడం ఉత్తమం. 14వ తేదీన దీపారాధన, దానధర్మాలు చేసుకోవచ్చు.
• 15వ తేదీ సోమవారం అమావాస్య. ఈ రోజున పితృ కార్యాలు, మంత్ర జపాలు, పునశ్చరణ చేసుకోవాలి. యక్షిణీ, దుర్గా, దశమహావిద్యా మంత్ర జపాలు చేసేవారు ఈ రోజు జాగ్రత్తగా ఆచరించాలి.
• జూన్ 16వ తేదీ నిజ జ్యేష్ఠ మాసం శుక్ల పాడ్యమి, సాధారణ పూజలు చేసుకోవాలి. చంద్ర దర్శనం ఉంటుంది.
• 17వ తేదీ బుధవారం శుక్ల తదియ నాడు పునర్వసు నక్షత్రం ఉంది. అన్నప్రాశన, డోలారోహణం, ఊయలలో వేయడం, ప్రతిష్ఠ, సాధారణ కార్యాలు, వస్తు క్రయ విక్రయాదులకు ఇది మంచి రోజు.
• 18వ తేదీ గురువారం శుక్ల చవితి నాడు పుష్యమి నక్షత్రం, సాధారణ కార్యాలు, వస్తు క్రయ విక్రయాదులకు కర్కాటక లగ్నం అనుకూలం.
• 19వ తేదీ శుక్రవారం శుక్ల పంచమి. ఆశ్రేష నక్షత్రం సాధారణ కార్యాలకు పనికొస్తుంది. తత్కాల షష్ఠి రోజున మఖ నక్షత్రంలో వివాహాలు, గృహ ప్రవేశాలు చేసుకోవచ్చు. ఇరవైవ తేదీ శనివారం శుక్ల షష్ఠి నాడు సాధారణ కార్యాలు, వస్తు క్రయ విక్రయాలకు అనుకూలం.
• 20 ఒకటవ తేదీ ఆదివారం భాను సప్తమి, పుబ్బ నక్షత్రంలో సాధారణ కార్యాలు, వస్తు క్రయ విక్రయాదులు చేయవచ్చు. అదే రోజు ఉత్తరా నక్షత్రంలో వివాహాలు, గర్భాదానం, గృహ ప్రవేశాలు మకర లగ్నంలో చేసుకోవచ్చు.
• 22వ తేదీ సోమవారం ఆర్ద్ర కార్తె, అష్టమి. ఉత్తరా నక్షత్రంలో అన్నప్రాశన, డోలారోహణం, సాధారణ కార్యాలు, గర్భాదానం, వస్తు క్రయ విక్రయాలు చేసుకోవచ్చు. తత్కాల నవమి రోజున హస్తా నక్షత్రంలో గృహారంభం, గర్భాదానం మేష లగ్నంలో చేయవచ్చు.
• 23వ తేదీన మామూలు పూజలు.
• 24వ తేదీ శుక్ల దశమి, దశ పాపాహార దశమి. ఈ రోజున వివాహ ముహూర్తాలు, అన్నప్రాశన, డోలారోహణం, ఊయలలో వేయడం, సాధారణ కార్యాలు, వస్తు క్రయ విక్రయాదులు చేసుకోవచ్చు.
• 25వ తేదీ గురువారం మతత్రయ ఏకాదశి, నిర్జల ఏకాదశి. ఈ రోజు నీళ్లు కూడా తాగకుండా ఉపవాసం ఉండాలి. స్వాతి నక్షత్రంలో అన్నప్రాశన, డోలారోహణం, సాధారణ కార్యాలు, వస్తు క్రయ విక్రయాలు కర్కాటక లగ్నంలో పనికొస్తాయి.
• 26వ తేదీన మొహరం పండుగ. ద్వాదశి, అనురాధ నక్షత్రంలో వివాహాలు, గృహ ప్రవేశాలు, గర్భాదాన ముహూర్తాలు ఉన్నాయి.
• 27వ తేదీ శనివారం త్రయోదశి నాడు అనురాధ నక్షత్రం ఉంది. అన్నప్రాశన, డోలారోహణం, సాధారణ కార్యాలు, వస్తు క్రయ విక్రయాదులకు అనుకూలం.
• 29వ తేదీ సోమవారం పౌర్ణమి. మూలా నక్షత్రంలో సాధారణ కార్యాలు, వస్తు క్రయ విక్రయాదులకు కర్కాటక లగ్నం సరిపోతుంది. ఇది రైతులు జరుపుకునే ఏరువాక పౌర్ణమి కూడా.
• చివరిగా జూన్ 30తేదీన ఇంట్లో సాధారణ పూజలు చేసుకోవాలి. ఈ విధంగా జూన్ నెలలో శుభకార్యాలు ఆచరించి శుభం పొందవచ్చు.

(Disclaimer: ఇక్కడ అందించిన సమాచారం మతం, జ్యోతిషం, సాధారణ నమ్మకాల ఆధారంగా మాత్రమే అందించబడింది. ఈ సమాచారం ఖచ్చితంగా నిజం లేదా శాస్త్రీయంగా నిర్ధారితమైన సమాచారం అని భావించకండి. వ్యక్తిగత నిర్ణయాలు తీసుకునే ముందు సంబంధిత నిపుణులను సంప్రదించడం మంచిది.)