Vastu Tips: ఇంట్లో తమలపాకు మొక్క పెంచడం అంటే అదృష్టానికి ఆహ్వానం.. ఏ దిశలో పెంచాలంటే..
హిందూ సంప్రదాయంలో తమల పాకు మొక్కకు విశిష్ట స్థానం ఉంది. దీనినే నాగవల్లి అని కూడా పిలుస్తారు. తమల పాకు లేకుండా పూజ, శుభకార్యాలు అసంపూర్ణం. స్కాంద పురాణం ప్రకారం, ఇది సముద్రంలో నుంచి ఉద్భవించింది. ఆధ్యాత్మికంగానే కాదు ఆయుర్వేదంలో కూడా దీనిని ఉపయోగిస్తారు. వాస్తు శాస్త్రంలో కూడా తమలపాకు తీగకు ప్రముఖ స్థానం ఉంది. ఎవరి ఇంట్లోనైనా తమలపాకు మొక్కని పెంచుకోవచ్చు. అయితే కొన్ని వాస్తు నియమాలను పాటించి తమలపాకు మొక్కను పెంచుకోవడం వలన ప్రయోజనాలు ఉంటాయి.
Updated on: Aug 21, 2025 | 3:50 PM
తమలపాకులను ఆచారాలు, వేడుకలలో ఉపయోగిస్తారు. వాస్తు శాస్త్రం ప్రకారం తమలపాకు మొక్క శుభప్రదంగా పరిగణించబడుతుంది. ఎవరి ఇంట్లో తమలపాకు మొక్క ఉంటుంతో ఆ ఇంట్లో శనీశ్వరుడు అడుగు పెట్టడు అని ఓ నమ్మకం. అంతేకాదు తమలపాకు మొక్క ఉన్న ఇంట్లో ఆర్థిక కష్టాలు ఉండవని.. ఆ ఇల్లు మంచి శక్తి, శాంతి, సంపదను ఆకర్షిస్తుందని నమ్ముతారు. అయితే తమలపాకు మొక్కని పెంచడానికి వాస్తు నియమాలున్నాయి. తమలపాకు మొక్క సానుకూల ప్రభావాలను పెంచడానికి ఉత్తరం లేదా తూర్పు దిశలలో పెంచడం మంచిది. ఈ మొక్క ప్రకాశవంతమైన ఆకుపచ్చని ఆకులు అదృష్టానికి చిహ్నంగా పరిగణించబడతున్నాయి. సంపద, సమృద్ధికి దేవత అయిన లక్ష్మీ దేవితో తమలపాకులకు సంబంధం ఉంది.
తమలపాకు మొక్క వాస్తు ప్రయోజనాలు
- సంపద , సమృద్ధిని ఆకర్షిస్తుంది: తమలపాకు సంపదలకు అధిదేవత లక్ష్మీ దేవితో దగ్గరి సంబంధం కలిగి ఉంటుంది. ఆ ఇంట్లో డబ్బుకి లోటు ఉండదని.. శ్రేయస్సుతో నిండి ఉంటుందని నమ్మకం.
- సానుకూల శక్తిని ప్రోత్సహిస్తుంది: పచ్చని తమల ఆకులు సానుకూల ప్రకంపనలను ప్రసరింపజేస్తాయని, ప్రతికూల శక్తులను దూరం చేసి, సామరస్య వాతావరణాన్ని ప్రోత్సహిస్తాయని నమ్ముతారు.
- శాంతి, సామరస్యాన్ని తెస్తుంది: ఈ తమలపాకు మొక్కకు శుభ శక్తులతో ఉన్న సంబంధం వలన ఈ మొక్క ఉన్న ఇంట్లో శాంతి, శ్రేయస్సుకి లోటు ఉండదు.
- శుభానికి చిహ్నం : వాస్తుశాస్త్రం, వివిధ ఆచారాలలో తమలపాకును అదృష్ట చిహ్నంగా పరిగణిస్తారు. ముఖ్యమైన సంఘటనలు, ప్రయాణాలకు అదృష్టాన్ని తీసుకురావడానికి ఉపయోగిస్తారు.
తమలపాకు మొక్క పెంచడానికి ఉత్తమ స్థానం:
- దిశ : మీ ఇల్లు లేదా తోటలో ఉత్తరం లేదా తూర్పు ముఖంగా ఉన్న దిశలలో తమలపాకు మొక్కను ఉంచండి.
- కాంతి : తమలపాకు మొక్కను బాగా ప్రకాశవంతమైన ప్రదేశం.. అధికంగా ఎండ తగలని చోట పెంచాలి.
- సంరక్షణ : మొక్కను బాగా నిర్వహించి, శుభ్రంగా, ఆరోగ్యంగా ఉంచండి, ఎందుకంటే తమలపాకు మొక్క వాడిపోవడం లేదా చనిపోయిన వ్యతిరేక ప్రభావాన్ని చూపుతుందని నమ్మకం.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
