కవిత ఓడిపోవడం వెనుక నా పాత్ర ఉంది: బాబూ మోహన్

ప్రముఖ హాస్య నటుడు, బీజేపీ నేత బాబు మోహన్ తెలంగాణ రాజకీయాలపై సంచలన ఆరోపణలు చేశారు. కల్వకుంట్ల కవిత ఓడిపోవడానికి.. నా పాత్ర ఉందని ఘాటుగా వ్యాఖ్యానించారు. అలాగే.. తెలుగు రాష్ట్రాల్లో బీజేపీ పుంజుకుంటుందని.. దానికి నిదర్శనం.. పార్టీలో పలు పార్టీల కీలక నేతలు చేరుతుంటడమేనని పేర్కొన్నారు. బీజేపీ సభ్యత్వ నమోదుపై బీజేపీ వర్కింగ్ ప్రెసిడెంట్ నడ్డా ఆనందం వ్యక్తం చేశారని తెలిపారు. నడ్డా రాకతో కూడా కొందరు నేతలు బీజేపీలో చేరేందుకు సుముఖం వ్యక్తం చేస్తున్నారని చెప్పారు.

టీఆర్ఎస్ ప్రభుత్వం పరిపాలించడం చేతగాకనే బీజేపీపై విమర్శలు గుప్పిస్తున్నారని.. క్షేత్ర స్థాయిలో బీజేపీ ఎంత బలమవుతుందో చూడాలని వ్యాఖ్యానించారు. కాగా.. తనకు పదవులు ముఖ్యం కాదని.. ఏపార్టీలో చేరినా..ఎంతో చిత్తశుద్ధితో పనిచేస్తానని పేర్కొన్నారు. అలాగే.. రాజకీయాల్లో అవుట్ డేట్ కావడం ఉండదని తెలిపారు బీజేపీ నేత బాబూ మోహన్.