Tomato Price: భయపెట్టిస్తున్న టమాటా.. కిలో ధర రూ. 250.. ఎక్కడో తెలుసా..
మార్కెట్‌లో కూరగాయల ధరలు భయపెట్టిస్తున్నాయి. ముఖ్యంగా టమాటా ధర గుండె దడ పుట్టిస్తోంది. పెరిగిన ధర కారణంగా ప్రజలు మార్కెట్‌వైపు చూడటం తగ్గించారు. దుకాణాదారులు సైతం మార్కెట్ తగ్గిందని చెబుతున్నారు.
మార్కెట్‌లో కూరగాయల ధరలు భయపెట్టిస్తున్నాయి. ముఖ్యంగా టమాటా ధర గుండె దడ పుట్టిస్తోంది. పెరిగిన ధర కారణంగా ప్రజలు మార్కెట్‌వైపు చూడటం తగ్గించారు. దుకాణాదారులు సైతం మార్కెట్ తగ్గిందని చెబుతున్నారు.
1 / 6
దేశ వ్యాప్తంగా టమాటా ధర వినియోగదారుల మాడు పగలగొడుతోంది. ముఖ్యంగా ఉత్తరాఖండ్‌లో టమాట ధర రికార్డులను బ్రేక్ చేస్తోంది. దేశంలోనే అత్యంత ఎక్కువ ధర పలుకుతోంది. డబ్బు ఉన్నవారే టమాటా కొనుగోలు చేసే పరిస్థితి నెలకొంది. ఉత్తరాఖండ్‌లో టమాటా ధర రూ.200 దాటింది.
2 / 6
ఉత్తరాఖండ్‌లోని గంగోత్రి ధామ్‌లో కిలో టమాటా ధర రూ.250 వరకు ఉన్నట్లు తెలుస్తుంది. ఉత్తరకాశీ జిల్లాలో టమాట కిలో రూ.180 నుంచి రూ. 200 విక్రయిస్తున్నారు. 250 గ్రాములకు మించి టమాటా కొనుగోలు చేయలేకపోతున్నారు ప్రజలు. ఇంకా విచిత్రమేంటంటే.. పెరిగిన ధర కారణంగా టమాటా దోపిడీ జరుగుతోంది.
3 / 6
టమాటా ధర పెరగడంతో తమ ఆదాయం తగ్గిపోయిందని దుకాణదారులు చెబుతున్నారు. వినియోగదారులు టమాట కొనుగోలు చేయడం లేదని, ఫలితంగా మార్కెట్ పడిపోయిందని వాపోతున్నారు. గంగోత్రి, యమునోత్రిలో టమాట కిలో రూ.200 నుంచి రూ.250 వరకు విక్రయిస్తున్నారు. టమాటా ధర పెరగడానికి వర్షాలు కూడా కారణం అని చెబుతున్నారు.
4 / 6
వర్షం కారణంగా టమాటా పంట నాశనమైందని, దాని ఉత్పత్తి తగ్గడంతో ధరలు భారీగా పెరిగిపోయాయని ప్రజలు వాపోతున్నారు. ఇక దక్షిణాది రాష్ట్రాల్లో చెన్నైలో టమోటా కిలో రూ.100 నుంచి 130 వరకు విక్రయిస్తున్నారు. పెరిగిన ధరల నుంచి సామాన్య ప్రజలకు ఉపశమనం కలిగించేందుకు తమిళనాడు సీఎం స్టాలిన్.. చెన్నైలోని రేషన్ షాపుల్లో కిలో రూ.60 చొప్పున టమాటాలను విక్రయిస్తున్నారు.
5 / 6
విశేషమేమిటంటే.. దేశం మొత్తానికి టమాటాలను సరఫరా చేస్తున్న కర్ణాటక రాష్ట్రంలో ధరలు భారీగా పెరిగాయి. బెంగళూరులో టమాటా కిలో రూ.110 నుంచి 120 వరకు విక్రయిస్తున్నారు.
