WhatsApp: వాట్సాప్‌లో మరో కొత్త ఫీచర్‌… ఛానల్స్‌ కోసం ప్రత్యేకంగా..
వాట్సాప్‌కు ఉన్న క్రేజ్‌ ఎలాంటిదో ప్రత్యేకంగా చెప్పాల్సిన పనిలేదు. ఎప్పటికప్పుడు కొంగొత్త ఫీచర్లను తీసుకొస్తోంది కాబట్టే వాట్సాప్‌కు ఇంతటి ఆదరణ పెరుగుతోంది. ఈ క్రమంలోనే తాజాగా వాట్సాప్‌లో తాజాగా ఛానల్స్‌ అనే ప్రత్యేక ఫీచర్‌ను తీసుకొచ్చిన విషయం విధితమే. అయితే ఇప్పుడు ఛానల్స్‌ ఫీచర్స్‌కు కొత్త అప్‌డేట్స్‌ ఇస్తోంది. ఈ క్రమంలో భాగంగానే కొత్త ఫీచర్‌ను తీసుకొచ్చింది..
వాట్సాప్ అందుబాటులోకి తీసుకొచ్చిన ఛానల్స్‌ ఫీచర్స్‌సహాయంతో.. వ్యక్తులు, వ్యాపార సంస్థలు, ఇతర ఆర్గనైజేషన్స్ తమ రెగ్యులర్ అప్‌డేట్స్‌ చేసుకోవచ్చు. ఛానల్‌ను ఫాలో అయ్యే వారందరికీ ఆ అప్‌డేట్స్‌ వెళ్తాయి.
ఈ క్రమంలోనే ఛానల్స్‌ను అప్‌డేట్ చేస్తూ.. మేసేజ్ లకు రియాక్ట్ అయ్యే అవకాశం, ఎమోజీలను పంపించే అవకాశం, ఇమేజ్ లను షేర్ చేసే వీలు కల్పించారు.
ఈ క్రమంలోనే భాగంగా త్వరలో, వాట్సాప్ చానల్ మెసేజ్‌ను ఫార్వర్డ్ చేసే అవకాశం కూడా కల్పించనున్నారు. ప్రస్తుతం టెస్టింగ్ స్టేజ్‌లో ఉన్న ఈ ఫీచర్‌ను త్వరలోనే అందరికీ అందుబాటులోకి తీసుకురానున్నారు.
ఈ ఫీచర్‌ సహాయంతో.. యూజర్లు ఒక గ్రూప్ లేదా వ్యక్తి నుంచి మరొక గ్రూప్ లేదా వ్యక్తులకు సందేశాలను ఫార్వార్డ్ చేయడానికి వీలు కల్పిస్తుంది. ఇకపై టెక్ట్స్‌, ఇమేజ్‌లను వాట్సాప్ చానల్స్‌లోనూ ఫార్వర్డ్ చేయొచ్చు.
ఇక మెసేజ్‌ ఫార్వర్డింగ్‌ ఫీచర్‌తో సహాయంతో ఛానెల్‌ను నిర్వహించే వారు ఇతర వ్యక్తులు, గ్రూప్స్ నుంచి తమకు వచ్చిన సందేశాలు, వీడియోలు, GIFలు, ఆడియో సందేశాలు, స్టిక్కర్‌లు, అప్‌డేట్‌లు, ఫొటోలను తన చానల్ లోకి ఫార్వర్డ్ చేయవచ్చు.