Samsung f34: సామ్సంగ్ 5జీ ఫోన్పై భారీ డిస్కౌంట్.. రూ. 15 వేలకే..
సౌత్ కొరియాకు చెందిన ఎలక్ట్రానిక్ దిగ్గజం సామ్సంగ్ ఇటీవల సామ్సంగ్ ఎఫ్34 పేరుతో కొత్త స్మార్ట్ ఫోన్ను లాంచ్ చేసిన విషయం తెలిసిందే. ఈ స్మార్ట్ ఫోన్పై తాజాగా కంపెనీ భారీగా డిస్కౌంట్ను అందిస్తోంది. 5జీ నెట్వర్క్కి సపోర్ట్ చేసే ఈ ఫోన్ను తక్కువ బడ్జెట్లో తీసుకొచ్చారు. రూ. 15 వేలలోనే 5జీ స్మార్ట్ ఫోన్ను కొనుగోలు చేయాలనుకునే వారికి ఇది బెస్ట్ ఆప్షన్గా చెప్పొచ్చు. సామ్సంగ్ ఎఫ్34కి సంబంధించిన పూర్తి వివరాలు...
సామ్సంగ్ ఎఫ్34 పేరుతో తీసుకొచ్చిన ఈ స్మార్ట్ ఫోన్ 6 జీబీ ర్యామ్, 128 జీబీ స్టోరేజ్ వేరియంట్ లాంచింగ్ సమయంలో ధర రూ. 18,999కాగా ఇప్పుడు రూ. 16,499కే సొంతం చేసుకునే అవకాశం కల్పించారు. అలాగే పలు బ్యాంకులకు చెందిన కార్డులతో కొనుగోలు చేస్తే రూ. 1500 అదనంగా డిస్కౌంట్ పొందొచ్చు.
ఇక ఈ ఫోన్ ఫీచర్ల విషయానికొస్తే ఇందులో 6000 ఎంఏహెచ్ బ్యాటరీని అందించారు. ఎక్సినోస్ ప్రాసెసర్తో ఈ ఫోన్ పని చేస్తుంది. ఆండ్రాయిడ్ 13 ఆపరేటింగ్ సిస్టమ్తో ఈ ఫోన్ పనిచేస్తుంది. ఇక 8జీబీ ర్యామ్, 128 జీబీ స్టోరేజ్ వేరియంట్ లాంచింగ్ సమయంలో రూ. 20,999గా ఉండగా ఇప్పుడు రూ. 18,499కే సొంతం చేసుకోవచ్చు.
ఈ స్మార్ట్ ఫోన్లో 6.46 ఇంచెస్తో కూడిన ఫుల్హెచ్డీ+ సూపర్ అమోఎల్ఈడీ డిస్ప్లేను అందించారు. స్క్రీన్ రిఫ్రెష్ రేట్ 120 హెర్ట్జ్ తో పాటు కార్నింగ్ గొరిల్లా గ్లాస్ 5 ప్రొటెక్షన్ను అందించారు. ఆక్టాకోర్ ఎక్సినోస్ 1280 ప్రాసెసర్పై ఈ ఫోన్ పనిచేస్తుంది.
కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్, 8 ఎంపీ అల్ట్రా వైడ్ యాంగిల్ లెన్స్, 2 ఎంపీ మాక్రో లెన్స్తో కూడిన రెయిర్ కెమెరా సెటప్ను అందించారు. ఇక సెల్ఫీల విషయానికొస్తే ఇందులో ఇందులో 13 మెగా పిక్సెల్స్తో కూడిన ఫ్రంట్ కెమెరాను ఇచ్చారు.
సెక్యూరిటీ విషయానికొస్తే ఫింగర్ ప్రింట్ సెన్సార్ను ఫోన్కు సైడ్కు అందించారు. కనెక్టివిటీ విషయానికొస్తే.. 5జీ, జీపీఎస్, ఎన్ఎఫ్సీ, వైఫై, బ్లూటూత్ వీ5.3, యూఎస్బీ టైప్-సీ కనెక్టివిటీ ఫీచర్లు ఉన్నాయి. ఈ స్మార్ట్ ఫోన్ మందం 0.88 మిల్లీమీటర్లు కాగా, బరువు 208 గ్రాములుగా ఉంది.