Realme: రియల్‌మీ నుంచి స్టన్నింగ్‌ స్మార్ట్ ఫోన్.. లాంచింగ్‌కు ముందే పెరిగిన క్యూరియాసిటీ
చైనాకు చెందిన ప్రముఖ ఎలక్ట్రానిక్ దిగ్గజ సంస్థలు బ్యాక్‌ టు బ్యాక్‌ ఫోన్‌లను లాంచ్‌ చేస్తున్నాయి. ముఖ్యంగా బడ్జెట్‌ మార్కెట్‌ను టార్గెట్ చేసుకొని కొంగొత్త ఫోన్‌లను తీసుకొస్తున్నారు. ఈ క్రమంలోనే తాజాగా రియల్‌మీ నార్జో 70 టర్బో పేరుతో కొత్త ఫోన్‌ను లాంచ్‌ చేయనున్నారు. ఇంతకీ ఈ ఫోన్ లో ఎలాంటి ఫీచర్లు ఉండనున్నాయో ఇప్పుడు తెలుసుకుందాం..
చైనాకు చెందిన ప్రముఖ స్మార్ట్ ఫోన్ దిగ్గజ సంస్థ రియల్‌మీ భారత మార్కెట్లోకి కొత్త ఫోన్‌ను లాంచ్‌ చేయనుంది. రియల్‌మీ నార్జో 70 టర్బో పేరుతో కొత్త ఫోన్‌ను తీసుకొస్తున్నారు. లాంచింగ్ తేదీపై స్పష్టమైన ప్రకటన చేయలేదు. అయితే నెట్టింట ఈ ఫోన్‌కు సంబంధించి కొన్ని వివరాలు లీక్ అవుతున్నాయి.
ఈ లీక్స్‌ ఆధారంగా ఈ ఫోన్‌లో ఎలాంటి ఫీచర్లు ఉండనున్నాయో ఇప్పుడ తెలుసుకుందాం. ఈ ఫోన్‌ను మోటార్ స్పోర్ట్ ఇన్ స్పైర్డ్ డిజైన్‌, న్యూ టర్బో టెక్నాలజీతో తయారు చేశారు. ఈ 5జీ స్మార్ట్ ఫోన్ స్క్వైర్కిల్ మాడ్యూల్ కెమెరాతో వస్తున్నట్లు స్పష్టమవుతోంది.
ఇక కెమెరా విషయానికొస్తే ఇందులో ఎల్ఈడీ ఫ్లాష్ యూనిట్ తోపాటు ట్రిపుల్ రేర్ కెమెరా యూనిట్‌ను అందించనున్నారు. స్పీకర్ గ్రిల్లె, 3.5 ఎంఎం ఆడియో జాక్‌ను అందించనున్నారు.
ఈ ఫోన్‌ను నాలుగు స్టోరేజీ వేరియంట్స్‌లో తీసుకొస్తున్న తెలుస్తోంది. వీటిలో 6జీబీ ర్యామ్ విత్ 128 జీబీ స్టోరేజీ, 8 జీబీ ర్యామ్ విత్ 128 జీబీ స్టోరేజీ, 8 జీబీ ర్యామ్ విత్ 256 జీబీ స్టోరేజీ, 12 జీబీ ర్యామ్ విత్ 256 జీబీ స్టోరేజీ వేరియంట్స్‌ ఉన్నాయి.
ఇక ఈ ఫోన్‌ను గ్రీన్, పర్పుల్, ఎల్లో కలర్ ఆప్షన్స్‌లో తీసుకొస్తున్నట్లు సమాచారం. ఎలక్ట్రానిక్ ఇమేజ్ స్టెబిలైజేషన్ (ఈఐఎస్) మద్దతుతో కూడిన 50 మెగా పిక్సెల్ రెయిర్‌ కెమెరాను, సెల్ఫీలూ వీడియో కాల్స్ కోసం 8-మెగా పిక్సెల్ ఫ్రంట్ కెమెరాను ఇవ్వనున్నారు.