Google Search: గూగుల్‌లో వీటి గురించి ఎట్టిపరిస్థితుల్లో వెతకకూడదు.. ఇంతకీ అవేంటంటే..
Dont Search These Words In Google: ఏ చిన్న సమాచారం కోసమైనా ముందుగా గూగుల్‌లో వెతకడానికి అందరూ ఆసక్తిచూపిస్తుంటారు. అయితే సమాధానం వస్తుంది కదా.. అని ఏదో పడితే అది గూగుల్‌లో సెర్చ్‌ చేస్తే మొదటికే మోసం వస్తుందని మీకు తెలుసా.?
మనకు ఏ చిన్న సమాచారం కావాలన్నా ముందుగా గుర్తొచ్చేది గూగుల్‌. సమాచారం ఏదైనా గూగుల్‌లో దొరుకుతుందన్నది నెటిజన్ల నమ్మకం.
అయితే గూగుల్‌ అన్ని సమాధానాలు ఇస్తుంది కదా అని ఏది పడితే అది వెతికితే మొదటికే మోసం వస్తుందని టెక్‌ నిపుణులు చెబుతున్నారు. అందులో ముఖ్యమైనవి..
ఏదైనా సంస్థకు సంబంధించిన కాంటాక్ట్‌ నెంబర్లను గూగుల్‌లో ఎట్టిపరిస్థితుల్లో వెతకకూడదు. నకిలీ నెంబర్లతో మోసం చేసే అవకాశం ఉంది. సదరు కంపెనీ వెబ్‌సైట్‌లోకి వెళ్లి చూసుకోవడం ఉత్తమం.
షాపింగ్ చేసే సమయంలో గూగుల్‌లో కూపన్ల కోసం ఎట్టి పరిస్థితుల్లో వెతకకూడదు. వీటిలో చాలా వరకు ఫేక్‌వి ఉండే ప్రమాదం ఉంది.
గూగుల్‌లో 'How to make a bomb', 'How to get a gun' లాంటి పదాలను ఎట్టిపరిస్థితుల్లో సెర్చ్‌ చేయకూడదు. ఇలాంటి పదాలను వెతికితే.. మీ ఐపీ అడ్రస్‌ను ట్రేస్‌ చేసి మీ మీద నిఘా పెట్టే అవకాశం ఉంది.
సరదాకోసం కూడా మీ ఫోన్‌ నెంబర్‌ను, మెయిల్‌ అడ్రస్‌ లాంటి వాటిని గూగుల్‌లో వెతకకూడదు. దీనివల్ల మీ కీలక సమాచారం గూగుల్‌లో స్టోర్‌ అయ్యే అవకాశం ఉంది.