Poco F3 GT: త్వరలో మార్కెట్లోకి పోకో కొత్త ఫోన్‌.. ఆసక్తిని రేకెత్తిస్తోన్న లీక్‌డ్‌ ఫీచర్లు.. ధర ఎంత ఉండొచ్చంటే..
Poco F3 GT: లేటెస్ట్‌ ఫీచర్లతో మొబైల్‌ ప్రియులను ఆకట్టుకుంటోన్న చైనా కపెంనీ పోకో తాజాగా మార్కెట్లోకి మరో కొత్త ఫోన్‌ను లాంచ్‌ చేయనుంది. పోకో ఎఫ్‌3 జీటీ పేరుతో తీసుకురానున్న ఈ ఫోన్‌కు సంబంధించిన ఫీచర్లు నెట్టింట వైరల్‌ అవుతున్నాయి. ఆ ఫీచర్లు ఏంటంటే..
మార్కెట్లోకి రోజుకో కొత్త స్మార్ట్‌ ఫోన్‌ వస్తోంది. ముఖ్యంగా చైనాకు చెందిన కంపెనీలు అధునాతన ఫీచర్లతో కూడిన ఫోన్లను విడుదల చేస్తున్నాయి. ఈ క్రమంలోనే ఫోన్‌ విడుదలకు ముందే వాటి ఫీచర్లకు సంబంధించిన వార్తలు నెట్టింట వైరల్‌ అవుతున్నాయి.
తాజాగా ప్రముఖ స్మార్ట్‌ ఫోన్‌ తయారీ సంస్థ పోకో కొత్త ఫోన్‌ను లాంచ్‌ చేయబోతోంది. పోకో ఎఫ్‌3 జీటీ పేరుతో రానున్న ఈ ఫోన్‌కు సంబంధించి లీకైన వివరాలు ఇప్పుడు మొబైల్‌ ఫోన్‌ లవర్స్‌ను ఆకట్టుకుంటున్నాయి.
నెట్టింట వైరల్‌ అవుతోన్న సమాచారం మేరకు ఈ ఫోన్‌ను రెడ్‌మీ కే 40 గేమ్‌ ఎన్‌ హాన్స్‌డ్‌ వెర్షన్‌కు రీ బ్రాండెడ్‌ వెర్షన్‌గా తీసుకురానున్నారని సమచారం. ఈ ఫోన్‌ను 6.67 ఇంచెస్‌ ఫుల్‌ హెచ్‌డీ ప్లస్‌ అమోలెడ్ డిస్‌ప్లే అందించనున్నారు.
ఆక్టాకోర్‌ మీడియాటెక్‌ డైమెన్సిటీ 1200 ఎస్‌ఓసీ ప్రాసెసర్‌తో పాటు 12 జీబీ ర్యామ్‌, 256 జీబీ ఇంటర్నల్‌ స్టోరేజ్‌ను అందించనున్నట్లు సమాచారం.
ఇక కెమెరా విషయానికొస్తే.. 64 మెగా పిక్సెల్‌ రెయిర్‌ కెమెరా, 16 మెగా పిక్సెల్‌ సెల్ఫీ కెమెరా ఉండనుందని వార్తలు వస్తున్నాయి.
భారత మార్కెట్లో సుమారు రూ. 30 వేల ఉండనుందని వార్తలు వస్తోన్న ఈ ఫోన్‌లో 67 W ఫాస్ట్‌ చార్జింగ్‌తో 5,065 ఎంఏహెచ్బ్యాటరీతో నడవనుంది.