Lion Dental Problem: సింహాలకు దంత సమస్య వస్తే ఏం చేస్తారు? ట్రీట్‌మెంట్ ఉందా?
Lion Dental Problem: మనుషులకు దంతాలు ఉన్నట్టే జంతువులకూ ఉంటాయి. ఇది తెలిసిన విషయమే. కానీ, మనుషుల్లో తలెత్తినట్టే జంతువుల్లోనూ దంత సమస్యలు వస్తాయి. ముఖ్యంగా పిప్పి పళ్ళు. మరి మనమైతే ఆసుపత్రికి వెళతాం. కానీ సింహాలు...
ఇంగ్లాండ్ లోని కేస్సింగ్లాండ్ అనే చోట ఓ జూ ఉంది. ఆ జూలో ఉన్న ఒక సింహానికి దంతాలలో సమస్య వచ్చింది. ఆ సింహం ఏమీ తినలేకపోతోంది. దీంతో వైద్యులు పరీక్షలు చేసి సింహానికి దంతాలలో సమస్య ఉందని తేల్చారు.
సమస్య ఉందని తేల్చారు సరే, మరి ఏమి చేయాలి. అందుకోసం పార్కర్, పుటర్ అనే వైద్యులు ఆ సింహానికి రూట్ కెనాల్ చికిత్స చేయాలని నిర్ణయించారు. మనుషులకు ఇది చేయడం సర్వ సాధారణం. కానీ, సింహం లాంటి జంతువుకు చేయాలంటే చాలా కష్టం. పైగా సుదీర్ఘమైనది. పెద్ద రూట్ కేనాల్స్ శుభ్రం చేయాల్సి ఉంటుంది అని డాక్టర్లు చెప్పారు.
సింహానికి రూట్ కెనాల్ మొదలు పెట్టారు. ఆ జూలో ఉన్న ఆరు సింహాలలో ఇదే పెద్దది. దీని పేరు మో. దీనికి మత్తు మందు ఎక్కడానికి కొన్ని గంటలు పట్టింది. మత్తు ఇంజక్షన్ ఇచ్చకా డానికి మత్తు వచ్చింది అని తెలియడానికి అరగంట వేచి చూశారు డాక్టర్లు.
సింహం దంతాలు ప్రతీదాని మూలంలోకి కిందికి రంధ్రం చేశారు. దానిని పరిశుభ్రం చేశారు. తరువాత దానిని ప్యాక్ చేశారు. ఈ సింహం దంతం మూలం 60 మిమీ (2.3in) పొడవు ఉందని డాక్టర్ పార్కర్ చెప్పారు.
ఆ సింహం కాళ్ళమీద ఉండి.. సుదీర్ఘమైన, తీవ్రమైన నొప్పి కలిగించే చికిత్సకు సహకరించింది. దీంతో దేగ్విజయంగా డానికి రూట్ కెనాల్ చికిత్సను పూర్తి చేశారు వైద్యులు