పార్టీ ఏదైనా బిర్యానీ లాగించేస్తున్నాం.. అసలు, ఇది ఆరోగ్యానికి మంచిదేనా?
ఏదయినా చిన్న పార్టీ జరిగినా చాలు అక్కడ బిర్యానీ ఉండాల్సిందే. ఎందుకంటే, ఇప్పుడు అందరికీ ఇది అలవాటు లాగా మారిపోయింది. అయితే, ఇది తినడం మంచిదో? కాదో అని కూడా ఆలోచించకుండా తినేస్తారు. మరి, దీని గురించి నిపుణులు ఏం చెబుతున్నారో ఇక్కడ చూద్దాం..
మనం తినే బిర్యానీలో అల్లం, వెల్లుల్లిని బాగా వాడుతారు. ఇవి జీర్ణక్రియ పని తీరుకు అడ్డు పడతాయి. ఇంకా చెప్పాలంటే గుండెల్లో మంటను కూడాపెంచుతాయి.
మనం తినే నాన్ వెజ్ బిర్యానీలలో మసాలాలు ఎక్కువగా ఉంటాయి. ఇక చికెన్, మటన్ లో అయితే చెప్పాల్సిన అవసరం లేదు. కాబట్టి, బిర్యానీ తినేటప్పుడు మితంగా తినండి.
అయితే, చికెన్ మటన్ లో పోషకాలు ఎక్కువగా ఉంటాయి. ఇవి తిన్న తర్వాత జీర్ణమవ్వడానికి కొంత సమయం పడుతుంది. జీర్ణ సమస్యలు ఉన్నవారు తక్కువగా తీసుకోవడం మంచిది.
మన ఇంట్లో చేసుకున్న బిర్యానీ తిన్నా ఏం కాదు. కానీ, బయట తిన్న బిర్యానీలు మాత్రం ఆరోగ్యానికి అంత మంచివి కావు. వాటిలో నిల్వ ఉన్న నూనె వాడుతారు. దీని వలన వాంతులు అయ్యే అవకాశం ఉంది.
బరువు ఎక్కువగా ఉన్న వారు బిర్యానీని దూరం పెడితే చాలా మంచిది. ఇంకా చెప్పాలంటే కొలెస్ట్రాల్ లెవెల్స్ పెరిగే అవకాశం ఉందని నిపుణులు చెబుతున్నారు. కాబట్టి, దీనిని మితంగా తీసుకోవడం మంచిది.