ఉసిరికాయ పచ్చడి ఇలా చేసుకుని తింటే.. మటన్, చికెన్ కూడా సరిపోవు!
మనలో చాలా మంది ఉసిరికాయ పచ్చడిని ఇష్ట పడతారు. అయితే, దీనిని ఎలా తయారు చేయాలో చాలా మందికి తెలీదు. సరైన విధంగా దీనిని తయారు చేసుకుంటే అన్ని టిఫిన్స్ లో తినొచ్చు. ఇక్కడ దీనికి కావాల్సిన పదార్ధాలు, తయారీ విధానం గురించి ఇక్కడ చూద్దాం..
ఉసిరికాయల్లో విటిమిన్ సి ఎక్కువగా ఉంటుంది. దీనిని తినడం వలన ఇమ్యూనిటీ పవర్ కూడా పెరుగుతుంది. అయితే, దీనిని పప్పులో కూడా వేసుకుని తినొచ్చు. ఇంకా వీటితో పచ్చడి కూడా చేసుకుని తినొచ్చు.
కావాల్సిన పదార్ధాలు : అర కిలో ఉసిరికాయలు, పావు కిలో నూనె, రుచికి సరిపడినంత ఉప్పు , 3 టేబుల్ స్పూన్స్ కారం, ఆవాల పొడి, మెంతుల పొడి, పసుపు, ఇంగువ.
ముందుగా ఉసిరికాయలను శుభ్రం చేసుకుని కడిగి, వాటిని నీటిలో వేసి పసుపు, ఉప్పు వేసి బాగా ఉడికించండి. ఆ తర్వాత ఉడికిన ఉసిరికాయలను తీసుకుని చిన్న ముక్కలుగా కట్ చేసుకోండి.
ఇప్పుడు వేరే దానిలో కారం, ఆవాల పొడి, మెంతుల పొడి, ఉప్పు, ఇంగువను వేసుకుని బాగా కలుపుకోండి. ఇక ఇప్పుడు ఈ మిశ్రమంలో ఉడికించిన ఉసిరి ముక్కలను వేసి బాగా కలుపుకోవాలి.
ఇక చివర్లో నూనె వేసుకుని దీనిని ఓ గాజు పాత్రలో వేసుకుని గాలి కొంచం కూడా చొరబడకుండా పెట్టుకోండి. మూడు నుంచి ఐదు రోజుల తర్వాత మళ్ళీ ఒకసారి కలుపుని వేడి వేడి అన్నంలో తింటే రుచిగా ఉంటుంది.