Cooking Tips: టమాటాలు ఈ కూరల్లో వేయకపోవడమే మంచిది.. పొరబాటున వేశారో చిక్కులు తప్పవ్!
మనలో చాలామంది ప్రతి కూరలో టమోటాలు వాడుతుంటారు. ఈ అలవాటు దాదాపు చాలా మందికి ఉంటుంది. అయితే కొన్ని కూరగాయలకు టమోటాలు జోడించడం వల్ల వాటి రుచి చెడిపోతుంది. పైగా ఆరోగ్యానికి కూడా అంత మంచిది కాదు. ఏయే కూరల్లో టమాటా వాడ కూడదో ఇక్కడ తెలుసుకుందాం..
మెంతి వంటి ఇతర ఆకు కూరల్లో టమోటాలు వాడటం మానుకోవాలి. టమోటాలలో ఉండే ఆమ్లత్వం ఆకు కూరల సహజ రుచి, విలక్షణమైన వాసనను తగ్గిస్తుంది.
పాల గుమ్మడికాయ తేలికపాటి తీపి రుచి కలిగి ఉంటుంది. దీనికి టమోటాలు చేర్చితే దాని రుచి పుల్లగా మారుతుంది. అలాగే కాకరకాయకు కూడా టమోటాలు జోడించడం వల్ల కాకరకాయ సహజ చేదును టమోటా పుల్లనితో కలిసి పోతుంది. దీంతో దీని రుచి మారుతుంది.
బెండకాయకు టమోటాలు జోడించడం వల్ల అది మరింత జిగటగా ఉంటుంది. మీరు క్రిస్పీగా ఉండాలనుకుంటే టమోటాలకు బదులుగా మామిడి లేదా నిమ్మకాయను ఉపయోగించడం మంచిది.
పెరుగును ప్రధాన పదార్ధంగా (కూర లేదా కొన్ని ప్రత్యేక గ్రేవీలు) ఉపయోగించే వంటలలో టమోటాలను నివారించాలి. పెరుగు, టమోటాలు రెండూ పుల్లగా ఉంటాయి కాబట్టి కూరల రుచి అధికంగా పుల్లగా మార్చే అవకాశం ఉంది.
కొన్ని పప్పుల (ఉదాహరణకు తెల్ల బఠానీలు లేదా శనగలు)తో చేసిన వంటకాలకు కూడా టమాట వాడకూడదు. ఇది అసలు రుచిని నిలుపుకోవాలనుకుంటే సుగంధ ద్రవ్యాల రుచి మారకుండా టమోటా పరిమితంగా మాత్రమే వాడాలి.