Tollywood News: షూటింగులతో కళకళలాడుతున్న లొకేషన్లు
హీరోలు స్పీడు పెంచితే ఇండస్ట్రీ బావుంటుంది. ఎక్కువ సినిమాలు సెట్స్ మీదుంటే, ఎక్కువ మందికి ఉపాధి దొరుకుతుంది.. పరిశ్రమ పచ్చగా కళకళలాడుతుంది. అందుకే ఏడాదికి ఒక సినిమా అని కాకుండా... రెండేళ్లకు మూడు సినిమాల వంతుగా చేయడానికి ప్రిపేర్‌ అవుతున్నారు మన స్టార్‌ హీరోలు అనే మాటను ఈ మధ్య ఇండస్ట్రీలో వింటూనే ఉన్నాం. అయితే వారు దాన్ని ఆచరణలో పెట్టేదెప్పుడు... డార్లింగ్‌ తప్ప మిగిలిన వాళ్లలో ఆ స్పీడు కనిపించేదెప్పుడు?
హీరోలు స్పీడు పెంచితే ఇండస్ట్రీ బావుంటుంది. ఎక్కువ సినిమాలు సెట్స్ మీదుంటే, ఎక్కువ మందికి ఉపాధి దొరుకుతుంది.. పరిశ్రమ పచ్చగా కళకళలాడుతుంది. అందుకే ఏడాదికి ఒక సినిమా అని కాకుండా... రెండేళ్లకు మూడు సినిమాల వంతుగా చేయడానికి ప్రిపేర్‌ అవుతున్నారు మన స్టార్‌ హీరోలు అనే మాటను ఈ మధ్య ఇండస్ట్రీలో వింటూనే ఉన్నాం. అయితే వారు దాన్ని ఆచరణలో పెట్టేదెప్పుడు... డార్లింగ్‌ తప్ప మిగిలిన వాళ్లలో ఆ స్పీడు కనిపించేదెప్పుడు?
సెట్స్ మీద రాజా సాబ్‌, హనురాఘవపూడి మూవీ, సలార్‌ సీక్వెల్‌.. ఇలా ఒకటికి మూడు సినిమాలు... ప్రీ ప్రొడక్షన్‌లో స్పిరిట్‌.. మొత్తానికి నాలుగు సినిమాలతో బిజీగా ఉన్నారు డార్లింగ్‌ ప్రభాస్‌. ఇన్ని సినిమాలు సైమల్‌టైనియస్‌గా వర్క్ జరుపుకుంటుంటే.. ఏడాదికి రెండు సినిమాల రిలీజులు గ్యారంటీ అంటూ ఖుషీ అవుతోంది ట్రేడ్‌ సర్కిల్‌.
ప్రభాస్‌ బాటలో మిగిలిన హీరోలందరూ నడిస్తే చూడాలని ఉందని అంటున్నారు జనాలు. ఈ ఏడాది దేవరతో పలకరించిన తారక్‌, వచ్చే ఏడాది వార్‌2లో కనిపిస్తారు. ప్రశాంత్‌ నీల్‌ సినిమాను 2026లోనే విడుదల చేయాలన్నది ప్లాన్‌. ఆ లెక్కన తారక్‌ ఏడాదికి ఒకే సినిమా చేస్తున్నట్టు.
ఇటు 2025లో గేమ్‌ చేంజర్‌ రిలీజ్‌ చేస్తున్న చరణ్‌, బుచ్చిబాబు సినిమాను ఆ పై ఏడాదే థియేటర్లలోకి తీసుకొచ్చే అవకాశాలు పుష్కలంగా ఉన్నాయి. ఒకవేళ ఇప్పటి నుంచే గట్టిగా ప్లాన్‌ చేసుకుంటే 2027కైనా రెండు రిలీజులు ఉండేలా చూసుకోవచ్చేమో..
మహేష్, రాజమౌళి సినిమాపై రోజుకో రూమర్ వస్తూనే ఉంది. తాజాగా ఈ చిత్రంపై వచ్చిన గాసిప్.. రెండు భాగాలు కాదు ఒకే భాగంగా SSMB29 రాబోతుందని.!