Trisha: త్రిష సూపర్‌ ప్లానింగ్‌.. వర్కవుట్‌ అవుతోందిగా !!
లైఫ్ మాత్రమే కాదు.. కెరీర్‌ కూడా సర్కిల్‌ లాంటిదే. ఏ రంగంలోనైనా, ఎంత ఎదిగినా... కొన్ని విషయాలు, కొందరు వ్యక్తులు రిపీట్‌ కావడం కామన్‌. ఈ విషయాన్ని బాగానే అబ్జర్వ్ చేశారు చెన్నై సుందరి త్రిష. జస్ట్... అబ్జర్వ్ చేయడం మాత్రమే కాదు, ఆ అంశాలతోనే కెరీర్‌ని కలర్‌ఫుల్‌గా మలచుకుంటున్నారు.
కొత్త కాంబినేషన్లు స్క్రీన్‌ మీద రిప్రెజెంట్‌ చేసినప్పుడు ఎంత ఆనందంగా ఉంటుందో, పాత వారు రిపీట్‌ అయినప్పుడు కూడా అంతే హ్యాపీగా అనిపిస్తుంది. ఆ మధ్య లియోలోనూ, రీసెంట్‌గా గోట్‌లోనూ విజయ్‌తో త్రిషను చూసిన వారు అలాగే ఫీల్‌ అయ్యారు.
సేమ్‌ ఫీలింగ్‌ త్వరలో అజిత్‌ కాంబోలో త్రిషని చూసినప్పుడు మాక్కూడా కలుగుతుందంటున్నారు తల ఫ్యాన్స్. తమిళ తంబిలు... విజయ్‌, అజిత్‌ కాంబినేషన్‌లో త్రిష మూవీస్‌ గురించి మాట్లాడుకుంటుంటే, తెలుగువారు మాత్రం విశ్వంభర కోసం వెయిట్‌ చేస్తున్నారు.
అన్నీ అనుకున్నట్టే జరిగి ఉంటే, ఈ జనవరికే చిరు అండ్‌ త్రిష కాంబో సీన్లకు థియేటర్లలో చప్పట్లు, ఈలలూ పడేవి. ఇప్పుడు మాత్రం ఏమైందని... కాస్త ఆలస్యమైనా ట్రీట్‌ పక్కా అనే టాక్‌ వినిపిస్తోంది.
విశ్వంభర కోసం ప్రస్తుతం జపాన్‌లో ఈ జోడీ మీద పాట చిత్రీకరిస్తున్నారు. త్వరలోనే సూర్యతో జోడీ కట్టడానికి రెడీ అవుతున్నారు త్రిష. ఆల్రెడీ ఈ కాంబినేషన్‌కి సరిహద్దులు దాటిన చరిష్మా ఉంది. హిట్‌ పాటలున్నాయి.
వాటిని తలదన్నేలా సూర్య 45ని ప్లాన్‌ చేస్తున్నారట ఆర్‌.జె.బాలాజీ. ఆల్రెడీ పనిచేసిన హీరోలను.. ఇన్నేళ్ల తర్వాత మళ్లీ సెట్స్ లో కలవడం సూపర్బ్ ఫీలింగ్‌ అంటున్నారు మేడమ్‌ త్రిష.