Top SUV’s: కొత్త ఏడాది మార్కెట్‌లో ఎస్‌యూవీల జాతర.. తక్కువ ధరలోనే స్టన్నింగ్‌ ఫీచర్స్‌
భారతీయ ఆటోమొబైల్‌ మార్కెట్‌ ట్రెండ్‌ చూస్తుంటే కారు లవర్స్‌ ఇటీవల కాలంలో ఎస్‌యూవీల వైపు మొగ్గు చూపుతున్నారు. అనూహ‍్య డిమాండ్స్‌ ఎస్‌యూవీల్లో అధిక మార్పులు చోటు చేసుకుంటున్నాయి. ముఖ్యంగా ఎస్‌యూవీలు అందించే కమాండింగ్‌ పొజిషన్‌ వల్ల ఈ కార్లు అధిక ప్రజాదరణ పొందుతున్నాయి. ఈ అవసరాలు, డిమాండ్లు కాలక్రమేణ పెరిగాయి. ఈ నేపథ్యంలో భారతదేశంలో కొత్త ఏడాది అందుబాటులో ఉన్న ఎస్‌యూవీల గురించి ఓ సారి తెలుసుకుందాం.
భారతదేశంలో బడ్జెట్‌ ఫ్రెండ్లీ ఫీచర్లతో వస్తున్న రిచ్‌ ఎస్‌యూవీల్లో కియా సెల్టోస్‌ ఒకటి. ఈ కారు డిజైన్‌తో పాటు ఫీచర్ల పరంగా బహుళ నవీకరణలతో ఫేస్‌లిఫ్ట్‌ డిజైన్‌తో వస్తుంది. కియా సెల్టోస్‌ అవుట్‌ గోయింగ్‌ వెర్షన్‌ ప్రారంభ ధర రూ.10.09 లక్షలుగా ఉంది. ఈ ఇంజిన్‌ 158 బీహెచ్‌పీతో వస్తుంది. ఈ కారు కేవలం 8 నుంచి 9 సెకన్స్‌లో 0-100 కిలోమీటర్ల వేగాన్ని అందుకుంటుంది.
మహీంద్ర ఎక్స్‌యూవీ 700 ఎస్‌యూవీల్లో టాప్‌ ఫీచర్స్‌తో వస్తుంది. ఈ కారు 2.0 లీటర్ల టర్బో పెట్రోల్‌ ఇంజిన్‌తో పని చేస్తుంది. ఈ కారు 200 బీహెచ్‌పీ శక్తితో వచ్చే 9.67 సెకన్స్‌తో 0-100 కిలోమీటర్ల వేగాన్ని అందుకుంటుంది. ఈ కారు ప్రారంభ ధర రూ.14.02 లక్షలు.
స్కోడా కుషాక్‌ జర్మన్‌ ఇంజినీరింగ్‌ నియంత్రణలతో ఆకర్షణీయంగా ఉండే ఎస్‌యూవీల్లో ఒకటి. ఈ కారు 7 -స్పీడ్‌ డీసీటీ ఎంపికతో 6 స్పీడ్‌ మాన్యువల్‌తో వస్తుంది. ముఖ్యంగా ఈ కారు 1.5 లీటర్ల టర్భో పెట్రోల్‌ ఇంజిన్‌ ద్వారా పని చేస్తుంది. ఈ కారు 8.6 సెకన్స్‌లో 0-100 కిలోమీటర్ల వేగాన్ని అందుకుంటుంది. ఈ కారు ప్రారంభ ధర రూ.10.08 లక్షలు.
మహీంద్రా ఎక్స్‌యూవీ 300 కూడా ఎస్‌యూవీ కార్స్‌లో మంచి ఆకర్షణీయ ఎంపిక అని నిపుణులు సూచిస్తున్నారు. ఈ కారు అత్యంత శక్తివంతమైన 1.2 లీటర్ల టర్బో పెట్రోల్‌ ఇంజిన్‌ సాయంతో పని చేస్తుంది. 128 బీహెచ్‌పీ పవర్‌తో పని చేసే ఈ ఎస్‌యూవీ 10.9 సెకన్స్‌లో 0-100 కిలోమీటర్ల వేగాన్ని అందుకుంటుంది. రూ.7.99 లక్షలతో మధ్య తరగతి వారికి అందుబాటులో ఉంటుంది.
వోక్స్‌వ్యాగన్‌ టైగన్‌ స్కోడా కుషాన్‌కు సరిసమానమైన ప్రతిపాదనలను అందిస్తుంది. ఈ కారు 6-స్పీడ్‌ మాన్యువల్‌ గేర్‌ బాక్స్‌ లే 7 డీసీటీతో కలిపి పని చేసే 1.5 లీటర్‌ టర్బో పెట్రోల్‌ ఇంజిన్‌తో పని చేస్తుంది. ఈ కారు 8.6 సెకన్స్‌లో 0-100 కిలోమీటర్ల వేగాన్ని అందుకుంటుంది. ఈ కారు ప్రారంభ ధర రూ.11.62 లక్షలుగా ఉంటుంది.