Mobile Users: మొబైల్ యూజర్లకు బిగ్‌ అలర్ట్‌.. నవంబర్ 1 నుంచి కొత్త రూల్‌..!
Mobile Users: మొబైల్ యూజర్లకు బిగ్‌ అలర్ట్‌.. వచ్చే నెల అంటే నవంబర్ 1వ తేదీ నుంచి కొత్త నిబంధనలు అందుబాటులోకి రానున్నాయి. ఈ మేరకు కమ్యూనికేషన్ల మంత్రిత్వ శాఖ (DoT) ఈ కొత్త నంబంధనను అమలు చేయనుంది. అలాగే మొబైల్ కాల్స్..
Mobile Users: నవంబర్ 1 నుండి భారతదేశంలోని లక్షలాది మొబైల్ వినియోగదారులకు నిబంధనలు మారనున్నాయి. కమ్యూనికేషన్ల మంత్రిత్వ శాఖ (DoT) ఆదేశాల మేరకు, అన్ని కంపెనీలు నవంబర్ 1 నుండి కాలర్ నేమ్ ప్రజెంటేషన్ (CNAP)ను అమలు చేస్తున్నట్లు ప్రకటించాయి. దీనితో వినియోగదారులు ఇప్పుడు తెలియని నంబర్ నుండి కాల్ చేసే వారి పేరును గుర్తించగలుగుతారు.
భారత ప్రభుత్వం జారీ చేసిన ఉత్తర్వుల మేరకు నవంబర్ 1వ తేదీ నుంచి ఒక కొత్త నిబంధన అమల్లోకి రానుంది. టెలికమ్యూనికేషన్ల శాఖ (DoT) ఈ ఉత్తర్వును జారీ చేసింది. దీని ప్రకారం మొబైల్ వినియోగదారులందరూ కాల్ చేసేవారి పేరును తప్పనిసరిగా ప్రదర్శించాలి. వాస్తవానికి చాలా మంది తెలియని కాలర్ పేరును తెలుసుకోవడానికి TrueCaller వంటి మొబైల్ యాప్‌లను తరచుగా ఉపయోగిస్తుంటారు.
వినియోగదారుల కోసం 4G, 5G సేవలు: DoT ఆదేశం ప్రకారం, 4G, 5G సర్వీస్ వినియోగదారులు కాల్ అందుకున్నప్పుడు కాల్ చేసేవారి పేరును ప్రదర్శించడానికి CNAP సేవలు తప్పనిసరి అవుతాయి. 2G, 3G నెట్‌వర్క్‌లకు ఇది తర్వాత అందుబాటులోకి వస్తుంది.
కాలర్ ఐడి ఫీచర్ ఈ విధంగా పనిచేస్తుంది: భారతీయ మొబైల్ వినియోగదారులకు కాల్ వచ్చినప్పుడల్లా, స్క్రీన్‌పై కాల్ చేసిన వారి పేరుతో పాటు కాంటాక్ట్స్ బుక్‌లో సేవ్ చేసిన వారి పేరు కూడా కనిపిస్తుంది. ఒకవేళ ఫోన్ నంబర్ మీ కాంటాక్ట్స్ బుక్‌లో సేవ్ చేసి ఉండకపోతే, మీ మొబైల్ స్క్రీన్‌పై కనిపించే కాలర్ పేరు టెలికాం కంపెనీ డేటా సర్వర్‌లో నిల్వ చేసిన పేరే అవుతుంది. సిమ్ కార్డును కొనుగోలు చేయడానికి ఉపయోగించే పేరు ఇదే.
కాల్ చేసేవారు అంతర్జాతీయ కస్టమర్ అయితే, మొబైల్ డిస్‌ప్లేలో "అంతర్జాతీయ కాల్స్" అని కనిపిస్తుంది. ఈ ఫీచర్ సైబర్ మోసపూరిత కాల్స్‌ను అరికట్టడానికి కూడా ఉపయోగపడుతుంది.