Healthy diet tips: కొవ్వులున్నా ఈ ఆహార పదార్థాలు శరీరానికి చాలా అవసరం.. ఆ సూపర్‌ ఫుడ్స్‌ ఏంటంటే..
Healthy fat foods:ఆరోగ్యంగా ఉండటానికి సరైన ఆహారం.. మంచి జీవనశైలిని అనుసరించడం చాలా అవసరం. అయితే చాలామంది బరువు పెరుగుతామని శరీరానికి మేలు చేకూర్చే కొన్ని కొవ్వు పదార్థాలను దూరం పెడుతుంటారు. ఆ సూపర్‌ ఫుడ్స్‌ ఏంటంటే..
బీన్స్: శరీరాన్ని ఆరోగ్యంగా ఉంచుకోవడానికి ఆకుపచ్చని కూరగాయలను తీసుకోవడం చాలా అవసరం. బీన్స్ లాంటి గ్రీన్ వెజిటేబుల్‌లో ప్రోటీన్ పుష్కలంగా ఉంటుంది. అదేవిధంగాఇందులోని ఆరోగ్యకరమైన కొవ్వులు శరీరానికి ఎంతో మేలు చేకూరుస్తాయి
డార్క్ చాక్లెట్: చాక్లెట్లు తినడం వల్ల పలు అనారోగ్య సమస్యలు తలెత్తుతాయని చాలామంది అనుకుంటారు. అయితే పరిమితికి మించి తీసుకుంటే డార్క్ చాక్లెట్‌తో పలు ఆరోగ్య ప్రయోజనాలున్నాయి. ఇందులోని హెల్దీ ఫ్యాట్స్‌తో ఎన్నో బెనిఫిట్స్‌ ఉన్నాయని ఎన్నో పరిశోధనల్లో వెల్లడైంది. అంతేగాక కాల్షియం, పొటాషియం లాంటి పోషకాలు కూడా శరీరానికి అందుతాయి.
గుడ్లు: క్యాల్షియం, ప్రొటీన్లు అధికంగా ఉండే గుడ్లలో ఆరోగ్యకరమైన కొవ్వులు ఉంటాయి. అందుకే ఆరోగ్యంగా ఉండాలంటే రోజూ కనీసం రెండు గుడ్లు తినాలని వైద్యులు, నిపుణులు కూడా సూచిస్తున్నారు. పెద్దలతో పాటు పిల్లలు వీటిని తినవచ్చు. గుడ్లను ఉడికించి తినడం వల్ల మరిన్ని ఆరోగ్య ప్రయోజనాలు సొంతం చేసుకోవచ్చు.
చేపలు: చేపల్లో ఆరోగ్యకరమైన కొవ్వులతో పాటు, ఒమేగా -3 కొవ్వు ఆమ్లాలు ఉంటాయి. ముఖ్యంగా సాల్మన్, హెరింగ్, సార్డినెస్ వంటి చేపలను అధికంగా తీసుకోవాలి.
బరువు పెరుగుతామని, లావు అవుతామని చాలామంది కొవ్వు పదార్థాలను దూరం పెడుతుంటారు. అయితే శరీరానికి కొన్ని కొవ్వులు కూడా చాలా అవసరం.
ఆలివ్ ఆయిల్: చెడు కొవ్వుల వల్ల శరీరంలో కొలెస్ట్రాల్ స్థాయులు పెరుగుతాయి. దీనివల్ల గుండె జబ్బులు, మధుమేహం, బీపీ లాంటి సమస్యలు తలెత్తుతాయి. అందుకే సాధారణమైన నూనెల స్థానంలో ఆలివ్ నూనెను ఎంచుకోవాలంటున్నారు నిపుణులు.