అమ్మ సన్నీ లియోన్.. నాన్న ఇమ్రాన్ హష్మీ.. వారుండేది బిహార్లో.. షాక్ అయిన కాలేజీ యాజమాన్యం..
మీకో విషయం తెలుసా..? బాలీవుడ్ స్టార్స్ సన్నీ లియోన్.. ఇమ్రాన్ హస్మీ పెళ్లి చేసుకున్నారట! వీరిద్దరూ ఉత్తర బిహార్లోని ..
మీకో విషయం తెలుసా..? బాలీవుడ్ స్టార్స్ సన్నీ లియోన్.. ఇమ్రాన్ హస్మీ పెళ్లి చేసుకున్నారట! వీరిద్దరూ ఉత్తర బిహార్లోని ఓ ప్రాంతంలో జీవనం సాగిస్తున్నారా! వీరికి 20 ఏళ్ల కొడుకు కూడా ఉన్నాడట! అసలేం చెబుతున్నారు అని కంగారు పడకండి. ఇది నిజంగా నిజం.. అయితే ఇది మేం చెబుతున్నది కాదు. ఓ విద్యార్థి చెబుతున్నాడు. ఆ విద్యార్థి కథ ఏంటో.. అసలు విషయం ఏంటో మీరూ చూడండి.
సోషల్ మీడియాలో వైరస్ అయిన బాబాసాహెబ్ భీమ్రావ్ అంబేద్కర్ బిహార్ యూనివర్సిటీకి పరిధిలోని ధన్రాజ్ మహ్తో డిగ్రీ కాలేజీలో చదువుతున్న ఓ విద్యార్థి(20) అడ్మిట్ కార్డును చూసి కాలేజీ యాజమాన్యం కంగుతిన్నది. ఒక్క కాలేజీ యాజమాన్యమే కాదు.. అది చూసిన ప్రతి ఇమ్రాన్ హష్మీ కూడా షాక్ అయ్యాడట. దీనికి బదులు కూడా ఇచ్చాడు. ‘అతనికి నాకు ఎలాంటి సంబంధం లేదు. ప్రమాణం చేస్తున్నాను’ అంటూ సెటైరికల్ కామెంట్ చేశాడు.
అసలు వివరాల్లోకెళితే.. మహతో డిగ్రీ కాలేజీలో బీఏ ద్వితీయ సంవత్సరం చదువుతున్న కుందన్ కుమార్ పరీక్షలకు హాజరయ్యాడు. ఆ సందర్భంగా అతని హాల్ టికెట్ను అధికారులు పరిశీలించారు. అయితే అతని హాల్ టికెట్ను చూసిన అధికారులు షాక్ అయ్యారు. ఆ హాల్ టికెట్పై అతని తల్లిదండ్రులుగా బాలీవుడ్ స్టార్స్ అయిన సన్నీలియోన్, ఇమ్రాన్ హస్మీ పేర్లు ఉన్నాయి. అంతేకాదు.. వారి నివాసప్రాంతంగా ఒక రెడ్లైట్ ఏరియాను పేర్కొనడం మరింత షాకింగ్కు గురిచేసింది. దీనిపై స్పందించిన బాబాసాహెబ్ భీమ్రావ్ అంబేద్కర్ బిహార్ యూనివర్సిటీ అధికారి రామకృష్ణ ఠాకూర్.. హాల్ టికెట్ అంశంపై విచారణకు ఆదేశించారు. అధికారుల తప్పిదం వల్ల ఇలా జరిగిందా? విద్యార్థి వల్ల ఇలా జరిగిందా? అనే దానిపై అధికారుల నివేదిక ఆధారంగా తదుపరి చర్యలు తీసుకుంటామని తెలిపారు.