Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • మాస్కులు , శానిటైజర్స్ కొరత పై స్పందించిన మానవ హక్కుల కమిషన్. మీడియా కథనాలను సుమోటో గా స్వీకరించిన హెచ్చార్సీ. కోవిడ్ వారియర్స్ ఫ్రైంట్ లైన్ వారియర్స్కు సరఫరాలో లోపం పై ఆగ్రహం. పారిశుద్య , ఎంటమాలజీ సిబ్బందికి రక్షణ వస్తువులు ఇవ్వకపోవడాన్ని తప్పు పట్టిన హెచ్చార్సీ. మాస్కులు , శానిటైజర్ల సరఫరాపై ఈ నెల 28లోగా కమీషన్ ముందు వివరణ ఇవ్వాలని జిహెచ్ఎంసి కమిషనర్ కు ఆదేశాలు.
  • నిమ్స్ లో కరోనా కలకలం . టెస్టింగ్ ల్యాబ్ సిబ్బంది ముగ్గురికి కరోనా పాజిటివ్ . మిల్లినియం బ్లాక్ నుండి ఐటిఎమర్ భవనానికి ల్యాబ్ ని టెస్టుల ప్రక్రియ కోసం మార్చడం తో బాధితులు గా మారుతున్న ల్యాబ్ సిబ్బంది .
  • కర్నూలు: నంద్యాలకు చెందిన బ్యాంక్ ఉద్యోగి కరోనాతో మృతి. మృతి చెందిన వ్యక్తి శిరివెళ్ళ మండలం యర్రగుంట్ల స్టేట్ బ్యాంక్ లో ఉద్యోగం . మృతి చెందిన వ్యక్తి కరోనా టెస్ట్ చేయించుకో గా కరోనా నిర్దారణ. పరిస్థితి విషమంగా ఉండగా కర్నూలు తరలిస్తూండగా కోలుకోలేక మృతి.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై మహానగరాన్ని కుదిపేస్తున్న కరోనా మహమ్మారి ,వెయ్యి మందికి పైగా మృతి . రాష్ట్రవ్యాప్తం గా 13 జిల్లాలో చెన్నై లోనే కరోనా బాధితుల సంఖ్య వేగం గా పెరుగుతుంది . రోజు వేల సంఖ్యలో కేసులు నమోదుకావడం తో ఇప్పటివరకు 66 వేల 538 మంది కి కరోనా నిర్ధారణ . చెన్నైనగరం లో కరోనా మహమ్మారికి 1 ,033 మంది మృతి చెందినట్టు అధికారులు వెల్లడి .
  • తెలంగాణ కరోనా కేసుల అప్డేట్స్: 17వేల మార్క్ కు చేరువలో జిహెచ్ఎంసి కేసులు. రాష్ట్రంలో ఈరోజు కరోనా పాజిటివ్ కేసులు 1850. తెలంగాణ రాష్ట్రంలో మొత్తం కేసులు- 22312. జిహెచ్ఎంసి పరిధిలో - 1572. ఈరోజు కరోనా తో చనిపోయిన వారు - 5. టోటల్ డెత్స్ - 288 చికిత్స పొందుతున్న వారు- 10487. డిశ్చార్జి అయిన వారు -11537.

ఎన్టీఆర్ ఫ్యాన్స్ రచ్చ.. పోలీసులకు పవన్ హీరోయిన్ ఫిర్యాదు..!

Meera Chopra slams NTR fans, ఎన్టీఆర్ ఫ్యాన్స్ రచ్చ.. పోలీసులకు పవన్ హీరోయిన్ ఫిర్యాదు..!

అభిమానం అన్నాక హద్దుల్లో ఉండాలి. మితిమీరితే దాన్ని భరించడం చాలా కష్టం. ముఖ్యంగా మనకు ఒకరిపై ఎంత ఇష్టం ఉన్నా.. మరొకరిని విమర్శించే విషయంలో కాస్త ఆలోచించాలి. అయితే ఫ్యాన్స్ మాత్రం వాటిని పెద్దగా పట్టించుకోవడం లేదు. మరొకరిని విమర్శిస్తూ నటీనటుల పేర్లను చెడగొడుతున్నారు. రోజురోజుకు సోషల్ మీడియా వాడకం పెరుగుతున్న నేపథ్యంలో నటీనటులకు కూడా లేనిపోని తలనొప్పిని తీసుకొస్తున్నారు. ఇలా తాజాగా ఫ్యాన్స్ చేసిన రచ్చతో స్టార్ నటుడు ఎన్టీఆర్ వివాదంలో చిక్కుకున్నారు. తనపై ఎన్టీఆర్ ఫ్యాన్స్ అసభ్యంగా కామెంట్లు చేశారని ట్విట్టర్ వేదికగా పవన్ హీరోయిన్ ఘాటు వ్యాఖ్యలు చేశారు. అంతేకాదు దీనిపై చర్యలు తీసుకోవాలంటూ హైదరాబాద్ పోలీసులకు ఆమె ట్యాగ్ చేశారు.

వివరాల్లోకి వెళ్తే.. వాన, బంగారం, మరో వంటి చిత్రాల్లో నటించిన బాలీవుడ్ నటి ప్రియాంక చోప్రా కజిన్ మీరా చోప్రా ఇటీవల ట్విట్టర్‌లో అభిమానులతో చాటింగ్ చేశారు. ఈ సందర్భంగా వారు అడిగిన ప్రశ్నలకు ఆమె సమాధానం ఇచ్చారు. ఈ క్రమంలో తెలుగులో మీకు ఇష్టమైన నటుడు ఎవరంటూ ఫ్యాన్స్ అడగ్గా.. దానికి ఆమె మహేష్ బాబు పేరును చెప్పారు. అయితే దీనిపై ఎన్టీఆర్ ఫ్యాన్స్ రెచ్చిపోయారు. మీరాను, ఆమె కుటుంబాన్ని టార్గెట్ చేస్తూ అసభ్యకర కామెంట్లు పెట్టారు. వాటిని స్క్రీన్ షాట్ తీసిన మీరా చోప్రా, ఎన్టీఆర్‌ని ట్యాగ్ చేస్తూ ట్విట్టర్‌లో ట్వీట్ చేశారు.

”మీ కంటే మహేష్ బాబును ఎక్కువ ఇష్టపడుతున్నందుకు నాకు మీ అభిమానులు అసభ్యకరమైన మెసేజ్‌లు పెడుతున్నారు. నా తల్లిదండ్రులను కూడా లాగుతున్నారు. ఇలాంటి ఫ్యాన్స్ ఫాలోయింగ్‌తో మీరు విజయం సాధించినట్లు ఫీల్ అవుతున్నారా. నా ట్వీట్‌ని మీరు వదిలేయరని భావిస్తున్నా” అని ఎన్టీఆర్‌ని ట్యాగ్ చేస్తూ మీరా ట్వీట్ చేశారు. ఇక ఈ ట్వీట్‌లు చేసిన వారిపై చర్యలు తీసుకోవాలంటూ హైదరాబాద్ సిటీ పోలీసులు, సైబర్ క్రైమ్ పోలీసులకు, ట్విట్టర్ సంస్థకు మీరా ట్యాగ్ చేశారు. ఈ సందర్భంగా కొన్ని స్క్రీన్ షాట్లను ఆమె సోషల్ మీడియాలో షేర్ చేశారు.

Read This Story Also: బన్నీకి విలన్‌గా రోజా.. ఫిక్స్‌ అయిన రేర్‌ కాంబో..!

Related Tags