AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ప్రియురాలు మీనాక్షి కోసం యూట్యూబర్ మాస్టర్ ప్లాన్.. క్యాప్, టాటూ బయటపెట్టిన గోల్డ్ రాబరీ మిస్టరీ!

తమిళనాడు మదురైలోని తనిష్క్ షోరూమ్‌లో రూ.31 కోట్ల విలువైన 15 కిలోలకు పైగా బంగారం దోపిడీ కేసును పోలీసులు ఛేదించారు. ప్రియురాలు మీనాక్షి ఆర్థిక ఇబ్బందులు తీర్చేందుకు యూట్యూబర్ నిషాంత్ ఈ చోరీకి పాల్పడినట్లు గుర్తించారు. సీసీటీవీలో కనిపించిన క్యాప్, ఒంటిపై ఉన్న టాటూ కీలక ఆధారాలుగా మారాయి. నిందితుడి తండ్రి సురేశ్ కూడా ఈ కేసులో అరెస్టయ్యారు.

ప్రియురాలు మీనాక్షి కోసం యూట్యూబర్ మాస్టర్ ప్లాన్.. క్యాప్, టాటూ బయటపెట్టిన గోల్డ్ రాబరీ మిస్టరీ!
Madurai Tanishq Gold Robbery
Shaik Madar Saheb
|

Updated on: Nov 16, 2026 | 7:52 AM

Share

ప్రేమ కోసం తాజ్‌మహల్ కట్టించిన వాళ్లని చూశాం… కానీ ఇక్కడో యూట్యూబర్, ఆర్థిక కష్టాల్లో ఉన్న తన ఇన్‌స్టా ప్రియురాలి కోసం ఏకంగా 15 కిలోల బంగారమే దోచేశాడు. సినిమా రేంజ్‌లో రెక్కీ చేసి, షోరూమ్‌లో కోట్ల విలువైన బంగారం కొట్టేశాడు కానీ… ఫ్యాషన్ కోసం వేసుకున్న టాటూ కథ మొత్తం బయటపెట్టింది. మదురైలో సంచలనం రేపిన గోల్డ్ రాబరీ కేసులో, యూట్యూబర్‌ చోరీ కంటెంట్‌ క్రియేషన్‌కు ఖాకీలు అన్‌సబ్‌స్క్రైబ్ బటన్ నొక్కి చెక్‌ పెట్టారు! ఈ లవ్ స్టోరీ వెనుక ఉన్న ఆ థ్రిల్లింగ్ క్రైమ్ ట్విస్ట్ ఏంటో మీరే చూడండి..

సినిమా థ్రిల్లర్‌ను తలపించేలా తమిళనాడు మదురైలో జరిగిన తనిష్క్ బంగారం దోపిడీ మిస్టరీని పోలీసులు ఎట్టకేలకు ఛేదించారు. కోట్ల విలువైన బంగారాన్ని కొల్లగొట్టి, మదకుళం చెరువు సమీపంలోని ఓ పొలంలో పాతిపెట్టిన 6 కిలోల గోల్డ్, డైమండ్స్‌ను ఖాకీలు రికవరీ చేశారు. ఈ కేసులో యూట్యూబర్ నిషాంత్‌ను ప్రధాన నిందితుడిగా పోలీసులు గుర్తించారు. పక్కా ఆధారాలతో రంగంలోకి దిగిన పోలీసులు, నిషాంత్‌ ప్రియురాలు, ఇన్‌స్టా ఇన్‌ఫ్లుయెన్సర్ మీనాక్షితోపాటు దోపిడీకి సహకరించిన నిషాంత్ తండ్రి సురేశ్‌ను అరెస్ట్ చేశారు. ప్రియురాలు మీనాక్షి కోసం నిషాంత్ వేసిన ఈ హై-వోల్టేజ్ స్కెచ్‌ను… అతని ఒంటిపై ఉన్న టాటూ నిలువునా ముంచేసింది.

కేసును మలుపుతిప్పిన క్యాప్, ఒంటిపై ఉన్న టాటూ

మదురైలో కొత్తగా తెరిచిన తనిష్క్ షోరూమ్‌లో నవంబర్ 12 ఈ భారీ దోపిడీ జరిగింది. కళ్లు చెదిరేలా సుమారు 31 కోట్ల రూపాయల విలువైన, 15 కిలోలకు పైగా ఆభరణాలను ఎత్తుకెళ్లాడు. అయితే తాళాలు పగలగొట్టకుండా జరిగిన ఈ దోపిడీ పోలీసులకు పెద్ద సవాల్‌గా మారింది. సీన్ కట్ చేస్తే… సీసీటీవీ ఫుటేజ్‌లో ఓ మిస్టరీ మ్యాన్ కనిపించాడు. దోపిడీకి ముందు నిందితుడు పక్కాగా రెక్కీ నిర్వహించాడు. కస్టమర్ వేషంలో మూడుసార్లు షోరూమ్‌కు వచ్చి… అక్కడి లూప్‌హోల్స్ అన్నీ స్టడీ చేశాడు. షోరూమ్‌కు ఇంకా పూర్తిస్థాయి లాకర్ సదుపాయం లేకపోవడం, రాత్రివేళ అలారం ఆన్ చేయకపోవడాన్ని తనకు అనుకూలంగా మార్చుకున్నాడు. భవనం వెనుక ఉన్న స్కాఫోల్డింగ్ సాయంతో టెర్రస్ ఎక్కి… అక్కడి నుంచి లిఫ్ట్ ద్వారా లోపలికి చొరబడి అందినకాడికి బంగారం దోచుకెళ్లాడు. పోలీసులను తప్పుదోవ పట్టించడానికి నిందితుడు వేర్వేరు దుస్తులు మార్చాడు. చేతికి కట్టు కట్టుకుని, ముసుగు ధరించి జాగ్రత్త పడ్డాడు. కానీ.. మూడుసార్లు రెక్కీకి వచ్చినప్పుడు ఒకే కలర్ క్యాప్ పెట్టుకోవడం, అన్నింటికంటే ముఖ్యంగా అతని ఒంటిపై ఉన్న ఓ టాటూ సీసీటీవీలో రికార్డ్ అవ్వడం ఈ కేసులో టర్నింగ్ పాయింట్‌గా మారింది. ఆ ఒక్క క్లూతో నిందితుడు యూట్యూబర్ నిషాంత్ అని పోలీసులు పక్కాగా ట్రేస్ చేశారు.

ప్రియురాలు మీనాక్షి కోసం దోపిడీ చేసిన ప్రియుడు నిషాంత్‌

ఆర్థిక ఇబ్బందుల్లో ఉన్న తన ప్రియురాలు, ఇన్‌స్టాగ్రామ్ ఇన్‌ఫ్లుయెన్సర్ మీనాక్షికి డబ్బు సర్దడం కోసమే నిషాంత్ ఈ భారీ దోపిడీకి ప్లాన్ చేసినట్లు విచారణలో తేలింది. చోరీ తర్వాత కొంత బంగారాన్ని మదకుళం చెరువు సమీపంలోని ఓ పొలంలో పాతిపెట్టి, మిగతా బంగారంతో నిషాంత్ పరారయ్యాడు. దోపిడీ సమయంలో వేసుకున్న బట్టలను తగలబెట్టి సాక్ష్యాలను మాయం చేయడంలో నిషాంత్ తండ్రి సురేశ్ కూడా సహకరించినట్లు పోలీసులు తెలిపారు. ఓ పశువుల కాపరి ఇచ్చిన కీలక సమాచారం, ఆటోరిక్షా ప్రయాణం, సెల్ ఫోన్ సిగ్నల్స్ ఆధారంగా పోలీసులు వల వేశారు. మీనాక్షి, సురేశ్‌ను అదుపులోకి తీసుకొని కోర్టులో హాజరుపరచగా, నవంబర్ 29 వరకు జ్యుడీషియల్ రిమాండ్ విధిస్తూ న్యాయమూర్తి ఆదేశాలు జారీ చేశారు.

మొత్తానికి ప్రియురాలి కష్టాలు తీర్చేందుకు యూట్యూబర్ వేసిన రాబరీ ప్లాన్‌కు… ఖాకీలు అన్‌సబ్‌స్క్రైబ్ బటన్ నొక్కేశారు. ఫ్యాషన్ కోసం వేసుకున్న టాటూతో చోరీ గుట్టు రట్టయ్యింది.

Follow Us
ప్రేమ కోసం 15 కిలోల బంగారం చోరీ.. ఒక్క టాటూతో పోలీసులకు చిక్కాడు
ప్రేమ కోసం 15 కిలోల బంగారం చోరీ.. ఒక్క టాటూతో పోలీసులకు చిక్కాడు
ఏపీ DSC 2026 అప్లికేషన్లలో కొత్త చిక్కులు.. అప్లై చేయలేక అవస్థలు!
ఏపీ DSC 2026 అప్లికేషన్లలో కొత్త చిక్కులు.. అప్లై చేయలేక అవస్థలు!
OTTలో తమిళ బ్లాక్ బస్టర్ మూవీ.. తెలుగులోనూ చూడొచ్చు.. 9.5 రేటింగ్
OTTలో తమిళ బ్లాక్ బస్టర్ మూవీ.. తెలుగులోనూ చూడొచ్చు.. 9.5 రేటింగ్
కార్తీక తొలి సోమవారం వైభవం.. శైవక్షేత్రాల్లో పోటెత్తిన భక్తులు
కార్తీక తొలి సోమవారం వైభవం.. శైవక్షేత్రాల్లో పోటెత్తిన భక్తులు
ఈ వారం టీమిండియా షెడ్యూల్ ఇదే
ఈ వారం టీమిండియా షెడ్యూల్ ఇదే
EV వాహనదారులకు బిగ్ అలర్ట్.. ప్రయాణం ముగియగానే ఈ తప్పు చేయకండి
EV వాహనదారులకు బిగ్ అలర్ట్.. ప్రయాణం ముగియగానే ఈ తప్పు చేయకండి
Rice Prices: కిలో సన్నబియ్యం రూ.100.. ఎల్‌నినో పేరుతో దందా..
Rice Prices: కిలో సన్నబియ్యం రూ.100.. ఎల్‌నినో పేరుతో దందా..
ఉదయం ఖాళీ కడుపుతో వాల్‌నట్స్ తింటున్నారా? ఆరోగ్యానికి చేసే మేలు
ఉదయం ఖాళీ కడుపుతో వాల్‌నట్స్ తింటున్నారా? ఆరోగ్యానికి చేసే మేలు
మరోసారి భారత్‌లో ప్రపంచ క్రికెట్ సందడి..మెగా టోర్నీల తేదీలు ఖరారు
మరోసారి భారత్‌లో ప్రపంచ క్రికెట్ సందడి..మెగా టోర్నీల తేదీలు ఖరారు
శ్వేతా నాయుడు ఎలిమినేషన్‌కు కారణాలివే..మొత్తం ఎంత సంపాదించిందంటే?
శ్వేతా నాయుడు ఎలిమినేషన్‌కు కారణాలివే..మొత్తం ఎంత సంపాదించిందంటే?