PM Modi: స్వయం సహాయక సంఘాలకు ప్రధాని మోదీ శుభవార్త.. మహిళలకు మద్దతుగా ఈ-కామర్స్‌ వేదికలు
PM Modi: దేశ ప్రధాన మంత్రి నరేంద్ర మోదీ ఆదివారం 75వ స్వాతంత్ర్య దినోత్సవం సందర్భంగా కీలక ప్రకటన చేశారు. స్వయం సహాయక బృందాలు (ఎన్‌హెచ్‌జీ) తయారు చేసిన..
PM Modi: దేశ ప్రధాన మంత్రి నరేంద్ర మోదీ ఆదివారం 75వ స్వాతంత్ర్య దినోత్సవం సందర్భంగా కీలక ప్రకటన చేశారు. స్వయం సహాయక బృందాలు (ఎన్‌హెచ్‌జీ) తయారు చేసిన ఉత్పత్తులకు మార్కెట్‌ అందించడానికి ప్రభుత్వం ఇ-కామర్స్‌ ప్లాట్‌ఫామ్‌ను ఏర్పాటు చేస్తుందని వెల్లడించారు. గ్రామంలో 8 కోట్లకుపైగా మహిళలు స్వయం సహాయక సంఘాలతో సంబంధం కలిగి ఉన్నారని, వారు ఒకటి కంటే ఎక్కువ ఉత్పత్తులను తయారు చేస్తున్నారన్నారు. వారికి ప్రభుత్వం మద్దతుగా నిలుస్తుందని స్పష్టం చేశారు. ప్రభుత్వం ఇ-కామర్స్‌ ప్లాట్‌ఫామ్‌ను రూపొందిస్తుందన్నారు. దీని ద్వారా దేశ, విదేశాలలో పెద్ద మార్కె్‌ట్‌గా అవతరించేలా చేసుకోవచ్చని అన్నారు.
దేశం ‘వోకల్ ఫర్ లోకల్’ నినాదంతో ముందుకు సాగుతోందని ఆయన అన్నారు. దేశీయ ఉత్పత్తులను కొనుగోలు చేయడం మనందరి బాధ్యత. ప్లాస్టిక్ రహిత భారతదేశం కోసం మనం సింగిల్ యూజ్ ప్లాస్టిక్ వాడకాన్ని పూర్తిగా ఆపివేస్తేనే నిజం అవుతుంది.. అని ప్రధాని అన్నారు. అలాగే గ్రామీణ ప్రాంతాల్లో అభివృద్ధి గురించి మాట్లాడుతూ.. ఈ రోజు గ్రామాలు వేగంగా అభివృద్ది చెందుతున్నాయి. గత కొన్ని సంవత్సరాలుగా రోడ్డు, విద్యుత్ వంటి సౌకర్యాలు గ్రామాల చెంతకు చేరుతున్నాయి. నేడు ఆప్టికల్ ఫైబర్ నెట్ వర్క్ గ్రామాలకు సరికొత్త శక్తిని అందిస్తోంది అని అన్నారు. ఈ రోజు 75వ స్వాతంత్ర్యంలోకి అడుగు పెడుతున్నామని, ఇక్కడి నుంచి 100 సంవత్సరాల స్వాత్రంత్యం వరకు సాగే ప్రయాణం భారతదేశ సృష్టికి అమృతం అని అన్నారు. సబ్కా సాత్‌.. సబ్కా వికాస్‌, సబ్కా విశ్వాస్‌, సబ్కా ప్రయాస్‌తో ఈ లక్ష్యాన్ని సాధించాలని పిలుపునిచ్చారు.