Watch Video: ఎక్స్ప్రెస్వేపై ఒక్కసారిగా రాళ్ల వర్షం.. కారణం తెలిసి అవాక్కైన పోలీసులు!
దేశ రాజధాని ఢిల్లీ శివారు గ్రేటర్ నోయిడాలోని దాద్రి ప్రాంతంలో జరిగిన ఒక ఘటన ప్రస్తుతం సోషల్ మీడియాలో తీవ్ర చర్చనీయాంశంగా మారింది. తూర్పు పెరిఫెరల్ ఎక్స్ప్రెస్వేపై అధిక లోడుతో వెళ్తున్న ఓ డంపర్ ట్రక్కు నుంచి భారీగా ఎర్రరాళ్లు రోడ్డుపై పడిపోవడంతో కొంతసేపు వాహనదారులు తీవ్ర ఇబ్బందులు ఎదుర్కొన్నారు. ఈ ఘటనకు సంబంధించిన వీడియో వైరల్ కావడంతో అధికారులు అప్రమత్తమయ్యారు.
Updated on: Jun 19, 2026 | 12:30 PM
దేశ రాజధాని ఢిల్లీ శివారు గ్రేటర్ నోయిడాలోని దాద్రి ప్రాంతంలో జరిగిన ఒక ఘటన ప్రస్తుతం సోషల్ మీడియాలో తీవ్ర చర్చనీయాంశంగా మారింది. తూర్పు పెరిఫెరల్ ఎక్స్ప్రెస్వేపై అధిక లోడుతో వెళ్తున్న ఓ డంపర్ ట్రక్కు నుంచి భారీగా ఎర్రరాళ్లు రోడ్డుపై పడిపోవడంతో కొంతసేపు వాహనదారులు తీవ్ర ఇబ్బందులు ఎదుర్కొన్నారు. ఈ ఘటనకు సంబంధించిన వీడియో వైరల్ కావడంతో అధికారులు అప్రమత్తమయ్యారు.
స్థానిక సమాచారం ప్రకారం, అధిక లోడుతో వెళ్తున్న డంపర్ ట్రక్కు డ్రైవర్కు ఆర్టీఓ తనిఖీ బృందం కనిపించడంతో భయాందోళనకు గురయ్యాడు. తనపై చర్యలు తీసుకుంటారనే ఉద్దేశంతో ట్రక్కులో ఉన్న రాళ్లను రోడ్డుపైనే పారవేయడం ప్రారంభించినట్లు తెలుస్తోంది. దీంతో ఎక్స్ప్రెస్వేపై ఒక్కసారిగా ఎర్రరాళ్లు చెల్లాచెదురుగా పడిపోయి వాహనాల రాకపోకలకు తీవ్ర అంతరాయం ఏర్పడింది. కొద్ది నిమిషాల్లోనే భారీ ట్రాఫిక్ జామ్ నెలకొని ప్రయాణికులు ఇబ్బందులు పడ్డారు.
సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిస్థితిని చక్కదిద్దేందుకు చర్యలు చేపట్టారు. ప్రత్యేకంగా శానిటేషన్ సిబ్బంది కోసం ఎదురుచూడకుండా, పోలీసులు స్వయంగా పారలు పట్టుకుని రోడ్డుపై ఉన్న రాళ్లను తొలగించడం ప్రారంభించారు. దాదాపు రెండు గంటలపాటు శ్రమించి రోడ్డును పూర్తిగా శుభ్రం చేసి ట్రాఫిక్ను పునరుద్ధరించారు.
ఇదిలా ఉండగా, ఈ వీడియో సోషల్ మీడియాలో వైరల్ కావడంతో నెటిజన్లు తీవ్ర ఆగ్రహం వ్యక్తం చేస్తున్నారు. ప్రతిరోజూ అధిక లోడుతో వాహనాలు రోడ్లపై ఎలా సంచరిస్తున్నాయంటూ ప్రశ్నలు సంధిస్తున్నారు. సంబంధిత శాఖల నిర్లక్ష్యం, అవినీతి కారణంగానే ఇలాంటి ఘటనలు జరుగుతున్నాయని ఆరోపిస్తున్నారు. ప్రస్తుతం పోలీసులు కేసు నమోదు చేసి, ప్రమాదానికి కారణమైన డంపర్ డ్రైవర్ను గుర్తించే పనిలో నిమగ్నమయ్యారు. ఘటనపై పూర్తి విచారణ కొనసాగుతోంది.
ట్రక్ వైరల్ వీడియోను ఇక్కడ చూడండి..
आप चिंता ना करे यूपी पुलिस है ना
ग्रेटर नोएडा: ईस्टर्न पेरिफेरल एक्सप्रेसवे पर ट्रक से गिरे पत्थरों ने हादसे का मंजर खड़ा कर दिया था।
कई गाड़ियों के टायर फट गए और बड़े हादसे का खतरा मंडराने लगा।तभी दादरी पुलिस मौके पर पहुंची।
तेज धूप की परवाह किए बिना UP Police के जवानों ने… pic.twitter.com/BGChN7zgzC
— UP POLICE NEWS (@UPPOLICE_NEWS5) June 18, 2026
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
