అమిత్ షాను చంపేస్తాం.. బెదిరింపు లేఖ కలకలం!

మధ్యప్రదేశ్: కేంద్ర హోంమంత్రి అమిత్ షాను హతమారుస్తామంటూ వచ్చిన ఓ లేఖ ఇప్పుడు రాజకీయంగా కలకలం రేపుతోంది. విదిశ జిల్లా గంజ్ బసోడా బీజేపీ ఎమ్మెల్యే లీనా జైన్‌కు ఈ లేఖ అందినట్లు తెలుస్తోంది. అమిత్ షా పట్టణానికి ఎప్పుడొస్తే అప్పుడు ఆయనపై బాంబు దాడులకు తెగబడతామని, ఆయనను హతమారుస్తామని ఆ లేఖలో ఉన్నట్లు లీలా జైన్ పోలీసులకు ఫిర్యాదు చేశారు.

స్థానిక రైల్వే స్టేషన్, ఆసుపత్రి, పోలీస్ స్టేషన్‌లతో పాటు తనను కూడా చంపుతామని ఆ లేఖలో పేర్కొన్నట్లు లీలా జైన్ గంజ్ బసోడా ఇన్ స్పెక్టర్ ప్రకాష్ శర్మకు వెల్లడించారు. ఇక దీనిపై తనిఖీలు చేపట్టిన పోలీసులు.. కొందరు మతిస్థిమితం లేని వ్యక్తులు ఈ హెచ్చరికలు చేసినట్లు ప్రాధమిక దర్యాప్తులో తేల్చారు.