నాడు అసెంబ్లీలో పోర్న్ చూసిన ఎమ్మెల్యే.. నేడు కర్ణాటక డిప్యూటీ సీఎం !

నాడు అసెంబ్లీలో పోర్న్ చూసిన ఎమ్మెల్యే.. నేడు కర్ణాటక డిప్యూటీ సీఎం !

కర్ణాటక సీఎం యెడియురప్ప మంగళవారం ముగ్గురికి డిప్యూటీ సీఎం పదవులు ఇచ్చారు. (ఇటీవల 17 మందితో తన మంత్రివర్గాన్నిఆయన ఏర్పాటు చేసిన సంగతి తెలిసిందే). కొత్తగా డిప్యూటీ ముఖ్యమంత్రులుగా పదవులు చేపట్టినవారిలో లక్ష్మణ్ సావడి, గోవింద్ కరిజోలా, అశ్వత్థ నారాయణ ఉన్నారు. వీరిలో లక్ష్మణ్ సావడి గతంలో రాష్ట్ర అసెంబ్లీలో సెల్ ఫోన్‌లో పోర్న్ చూస్తూ వీడియోకు చిక్కారు. ఇలాంటి వ్యక్తిని డిప్యూటీ సీఎం చేయడాన్ని అప్పుడే.. బీజేపీ ఎమ్మెల్యేలే తప్పు పట్టడం ప్రారంభించారు. ఆయనను ఈ […]

Pardhasaradhi Peri

| Edited By: Anil kumar poka

Jun 22, 2021 | 4:41 PM

కర్ణాటక సీఎం యెడియురప్ప మంగళవారం ముగ్గురికి డిప్యూటీ సీఎం పదవులు ఇచ్చారు. (ఇటీవల 17 మందితో తన మంత్రివర్గాన్నిఆయన ఏర్పాటు చేసిన సంగతి తెలిసిందే). కొత్తగా డిప్యూటీ ముఖ్యమంత్రులుగా పదవులు చేపట్టినవారిలో లక్ష్మణ్ సావడి, గోవింద్ కరిజోలా, అశ్వత్థ నారాయణ ఉన్నారు. వీరిలో లక్ష్మణ్ సావడి గతంలో రాష్ట్ర అసెంబ్లీలో సెల్ ఫోన్‌లో పోర్న్ చూస్తూ వీడియోకు చిక్కారు. ఇలాంటి వ్యక్తిని డిప్యూటీ సీఎం చేయడాన్ని అప్పుడే.. బీజేపీ ఎమ్మెల్యేలే తప్పు పట్టడం ప్రారంభించారు. ఆయనను ఈ పదవిలో ఎలా ఎంపిక చేశారని రేణుకాచార్య అనే ఎమ్మెల్యే ప్రశ్నించారు. పైగా గత ఏడాది జరిగిన ఎన్నికల్లో సావడి ఓడిపోయారని కూడా ఆయన గుర్తు చేశారు. అయితే తనను ఈ పదవికి ఎంపిక చేయడాన్ని లక్ష్మణ్ సావడి సమర్థించుకున్నారు. జాతీయ, రాష్ట్ర సీనియర్ నేతలు తనపట్ల విశ్వాసం చూపారని, తానేమీ ఈ పదవిని కోరలేదని ఆయన అన్నారు. సీనియర్ నాయకులే ఈ పోస్టును ఇచ్చినప్పుడు నేనెందుకు తిరస్కరించాలని ఆయన ప్రశ్నించారు. 2012 లో ఈయన, మరో ఇద్దరు ఎమ్మెల్యేలు శాసన సభలో సెల్ లో అసభ్య దృశ్యాలు చూస్తూ వీడియోకు చిక్కారు. అప్పట్లో వీరి నిర్వాకంతో బీజేపీ ఇరకాటంలో పడింది. అయితే తాము రేవ్ పార్టీలకు సంబంధించిన సమాచారాన్ని తెలుసుకునేందుకు సెల్ చూశామని, తమ తప్పేమీ లేదని సావడితో బాటు ఆ ఇద్దరు ఎమ్మెల్యేలు ఆ తరువాత తెలిపారు. మంగుళూరులో అప్పట్లో జరిగిన రేవ్ పార్టీలు పెద్ద దుమారాన్ని సృష్టించాయి.

Follow us on

Most Read Stories

Click on your DTH Provider to Add TV9 Telugu