Punjab CM: సీఎం ఇంటికి రూ.10వేల జరిమాన విధించిన మున్సిపల్ శాఖ.. కారణం ఏంటంటే..!
అయితే అలాంటి చలాన్‌ను జారీ చేయలేదని ముఖ్యమంత్రి కార్యాలయ అధికార ప్రతినిధి తెలిపారు. సెక్టార్ 2లోని హౌస్ నెం. 7కి ఈ చలాన్ జారీ చేశారని, ఇది ప్రస్తుతం
Punjab CM: చెత్త పారబోశారంటూ ఓ ముఖ్యమంత్రి ఇంటికే భారీ జరిమానా విధించారు మున్సిపల్ శాఖ అధికారులు. ఈ ఘటన చండీగఢ్‌లో చోటుచేసుకుంది. చండీగఢ్ లోని పంజాబ్ సీఎం భగవంత్ మాన్ ఇంటికి చండీగఢ్ మునిసిపల్ కార్పొరేషన్ జరిమానా విధించింది. సీఆర్పీఎఫ్ బెటాలియన్ డిప్యూటీ సూపరింటిండెంట్ హర్జీందర్ సింగ్ పేరిట రూ.10,000 జరిమానా విధిస్తూ చలాన్ జారీ అయింది. అయితే అలాంటి చలాన్‌ను జారీ చేయలేదని ముఖ్యమంత్రి కార్యాలయ అధికార ప్రతినిధి తెలిపారు. సెక్టార్ 2లోని హౌస్ నెం. 7కి ఈ చలాన్ జారీ చేశారని, ఇది ప్రస్తుతం పారామిలటరీ బలగంతో ఉందని చెప్పారు. ముఖ్యమంత్రికి సంబంధం లేదని ప్రతినిధి తెలిపారు.
దీనిపై స్థానిక బీజేపీ కౌన్సిలర్ మహేశిందర్ సింగ్ సిద్దూ స్పందించారు. ముఖ్యమంత్రి నివాసం నుంచి చెత్త పారబోస్తున్నారంటూ స్థానికుల నుంచి ఫిర్యాదు వస్తున్నాయని తెలిపారు. చెత్తను రోడ్డుమీద పారవేయరాదని సీఎం నివాసంలోని వారికి మున్సిపల్ సిబ్బంది ఎన్నో సార్లు చెప్పినా ఫలితం లేదన్నారు. ఈ క్రమంలోనే జారిమాన వేయాల్సి వచ్చిందని చెప్పారు.
మరిన్ని జాతీయ వార్తల కోసం ఇక్కడ క్లిక్ చేయండి