Breaking News
  • విజయనగరంలో జాతీయ స్థాయి ఆదివాసీ సాంస్కృతిక మహోత్సవం. పాల్గొన్న డిప్యూటీ సీఎం పుష్పశ్రీవాణి, కలెక్టర్‌ హరి జవహరల్‌లాల్‌.
  • గిరిజన సంక్షేమ బడ్జెట్‌పై హరీష్‌రావు, సత్యవతిరాథోడ్ సమీక్ష. గిరిజనశాఖకు మరింత ప్రాధాన్యత ఇవ్వాలని కోరుతున్నాం. కల్యాణలక్ష్మి, పిల్లలఆహారం, పాలబిల్లులు గ్రీన్ చానెల్‌లో పెట్టాలి. పెరిగిన అవసరాలకనుగుణంగా అదనపు కేటాయింపులు చేయాలి -మంత్రి సత్యవతి రాథోడ్‌. ఉప ప్రణాళిక నిధులు సరిగా ఖర్చయ్యేలా అధికారులు చూడాలి-హరీష్‌రావు.. కేంద్ర నిధులతో పాటు అదనపు నిధులు వచ్చేలా యూసీలు ఇవ్వండి. కేంద్రం నుంచి వచ్చే నిధులు పోకుండా చూడాల్సిన బాధ్యత అధికారులదే. ప్రతి పైసాను చూసి ఖర్చు పెట్టండి-మంత్రి హరీష్‌రావు.
  • ఒడిశా: గంజాం జిల్లా కొయిరాచొట్టలో విషాదం. గడ్డివాముకు మంటలు అంటుకుని ముగ్గురు చిన్నారులు మృతి. మరో చిన్నారి పరిస్థితి విషమం, ఆస్పత్రికి తరలింపు.
  • ఏపీలో ఎక్కడా కొవిడ్‌ వైరస్‌ ప్రభావం లేదు-మంత్రి మోపిదేవి. కొవిడ్‌ వైరస్‌ వల్ల చైనాతో ఉన్న కొన్న వ్యాపారాలు దెబ్బతింటున్నాయి. దీనివల్ల పౌల్ట్రీ రంగం కుదేలయ్యే అవకాశాలు ఉన్నాయి. పౌల్ట్రీ సెక్టార్‌ను మరింత అభివృద్ధి చేస్తాం-మంత్రి మోపిదేవి.
  • నాగర్‌కర్నూల్‌: పాలెంలో జిల్లా స్థాయి పంచాయతీరాజ్‌ సమ్మేళనం. పాల్గొన్న మంత్రి నిరంజన్‌రెడ్డి, ప్రభుత్వ విప్‌ బాలరాజు. కొత్త పంచాయతీరాజ్‌ చట్టం, పల్లె ప్రగతి పనులపై సమీక్ష.
  • గోవాలో కూలిన మిగ్‌-29కే శిక్షణ యుద్ధ విమానం. టేకాఫ్‌ అయిన కొద్దిసేపటికే కుప్పకూలిన విమానం. ప్రమాదం నుంచి సురక్షితంగా బయటపడ్డ పైలెట్‌. ఘటనపై విచారణకు ఆదేశించిన భారత ప్రభుత్వం.

గొడుగు నీడన శివయ్య ..

Lord shiva idol under umbrellla, గొడుగు నీడన శివయ్య ..

కాకతీయుల వైభవం మాటల్లో చెప్పలేనిది..వారి పాలనలో తెలుగు నేల ఓ వెలుగు వెలిగింది. నిర్మాణ, శిల్పకళా రంగాలు కొత్త పుంతలు తొక్కాయి. కాకతీయుల పూర్వ వైభవానికిచిహ్నాలుగా వరంగల్ జిల్లాలొ ఎన్నో కట్టడాలు, ప్రాకారాలు,  తటాకాలు ఇంకా మన కళ్ళెదుటే వున్నాయి. నాటి మహోజ్వలమైన సామ్రాజ్యంలో మనం జీవించి లేనప్పటికీ… నాటి అపురూప పరిపాలనకు ఆనవాళ్ళుగా అనేక ప్రాచీన కట్టడాలు సజీవంగా మన ముందు నిలిచివున్నాయి. ఎన్నో దండయాత్రలు, ప్రకృతి వైపరీత్యాలను తట్టుకొని అవి మనల్ని అచ్చెరువు గొలుపుతుంటాయి. అటువంటి వాటిలో గణపురం కోటగుళ్ళు ఒకటి.
కాకతీయ కళా వైభవానికి నిలువెత్తు నిదర్శనం కోటగుళ్లు దేవాలయం. ఉట్టిపడే శిల్పకళ, అద్భుత నిర్మాణ శైలితో ఘనపురంలో కోటగుళ్లను నిర్మించారు ఆనాడు. కానీ, ఇప్పుడా చారిత్రక సంపదకు ప్రమాదం పొంచివుంది. పాలకుల శీతకన్ను, పురావస్తు శాఖ వారి నిర్లక్ష్యంతో..మహా శివుడు ఎండకు ఎండుతూ..వానకు తడుస్తూ..గొడుకు నీడన తలదాచుకుంటున్నాడు. జయశంకర్‌ భూపాలపల్లి జిల్లా ఘనపురం మండల కేంద్రంలో గల ఈ కోటగుళ్లకు సుదీర్ఘ చరిత్ర ఉంది. 22 ఉప గుళ్లు, రెండు ప్రధాన దేవాలయ సముదాయంతో అద్బుత నిర్మాణం చరిత్రలో నిలిచిపోయింది. క్రీ.శ 1213లో ఈ ఆలయాలు నిర్మించారు. కాకతీయ మహా రాజు గణపతి దేవ చక్రవర్తి పాలనా సమయంలో ఈ ఆలయం జీవం పోసుకుంది.. కోట గుళ్లలోకి ప్రవేశించగానే ఆధ్యాత్మీక వాతావరణం భక్తులకు స్వాగతం పలుకుతుంది. అశేష జనపూజలందుకున్నఈ చారిత్రక కోటగుళ్లు ఇప్పుడు ఆపదలో చిక్కుకున్నాయి. ఆదరణకు నోచుకోక అంపశయ్యకు చేరుతుంది. చినుకు పడిందంటే చాలు గర్బగుడి పూర్తిగా చెరువులా మారుతుంది. దీంతో చేసేది లేక ఆలయ పూజారి, భక్తుల సాయంతో దేవుడికి గొడుగును అడ్డుగా పెట్టారు. ఆలయ పరిరక్షణకు కమిటీవారు గుడిపై ప్లాస్టిక్‌ కవర్లు కప్పి శివభక్తిని చాటుకున్నారు. కానీ, గాలికి కవర్లు లేచిపోవడంతో మండపం మధ్యభాగం నుండి వరదనీరు నేరుగా గర్భాలయంలో పడుతుంది.
ఎవరికి ఏ కష్టం వచ్చినా..శివయ్యా.. మమ్మల్ని కాపాడయ్యా అని వేడుకుంటూ తమ బాధలు నయం చేసుకుంటారు భక్తులు. అలాంటిది శివయ్య కొలువుదీరిన కోటగుళ్లపై ప్రభుత్వం కనికరించకపోవడం పట్ల భక్తులు ఆవేదన వ్యక్తం చేస్తున్నారు. ఇప్పటికే ఆలయం వెనుకవైపు ఒరిగిపోతుండటంతో స్థానికులు సైతం ఆందోళనకు గురవుతున్నారు. కాకతీయ కట్టడాలను కాపాడి..భావి తరాలకు అందించాల్సిన భాద్యత ప్రభుత్వాలదేనని, ఇప్పటికైన సంబంధిత శాఖ అధికారులు స్పందించి కోటగుళ్లకు మరమ్మతులు చేయించాలని వేడుకుంటారు.

 

Lord shiva idol under umbrellla, గొడుగు నీడన శివయ్య ..

 

 

Related Tags