AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Dogs: వామ్మో కుక్కలకు ఇన్ని బాధలు ఉంటాయా? అర్థరాత్రి పూట వింతగా ఎందుకు మొగురుతాయి?

Dogs: రాత్రిపూట దెయ్యాలు తిరుగుతాయని, అందుకే కుక్కలు మొరుగుతాయని చాలా మంది నమ్ముతారు. కానీ విజ్ఞానశాస్త్రం ఈ వాస్తవంతో ఏకీభవించదు. అర్ధరాత్రి పూట కుక్కలు వింతగా మొరగడం వెనుక మరో శాస్త్రీయ కారణం ఉంది. కుక్కలు రాత్రిపూట ఒంటరిగా భావిస్తాయి. కుక్కలు ఇంటిని..

Dogs: వామ్మో కుక్కలకు ఇన్ని బాధలు ఉంటాయా? అర్థరాత్రి పూట వింతగా ఎందుకు మొగురుతాయి?
Dog
Subhash Goud
|

Updated on: Oct 29, 2026 | 6:00 AM

Share

Dogs: ఇంట్లో చనిపోతే కుక్క అయినా , వీధి కుక్క అయినా, అవి తమ పరిచయస్తులను చూసినప్పుడు తోక ఊపుతాయి. అపరిచితులను చూసినప్పుడు మొరుగుతాయి. ఇది కాకుండా, కుక్కలు అర్ధరాత్రి వింతగా లేదా బొంగురు గొంతుతో బిగ్గరగా మొరుగుతాయి. చాలా మంది కుక్కల ఇటువంటి వింత మొరుగుడును అశుభ సంకేతంగా భావిస్తారు. రాత్రిపూట దెయ్యాలను చూసినప్పుడు కుక్కలు మొరుగుతాయనే నమ్మకం కూడా ఉంది. కానీ కుక్కల ప్రవర్తన వెనుక అసలు కారణం ఏమిటి? వీటన్నింటి గురించిన పూర్తి సమాచారాన్ని తెలుసుకోండి.

రాత్రిపూట కుక్కలు ఎందుకు వింతగా మొరుగుతాయి?:

రాత్రిపూట దెయ్యాలు తిరుగుతాయని, అందుకే కుక్కలు మొరుగుతాయని చాలా మంది నమ్ముతారు. కానీ విజ్ఞానశాస్త్రం ఈ వాస్తవంతో ఏకీభవించదు. అర్ధరాత్రి పూట కుక్కలు వింతగా మొరగడం వెనుక మరో శాస్త్రీయ కారణం ఉంది.

  1. ఒంటరితనం: కుక్కలు రాత్రిపూట ఒంటరిగా భావిస్తాయి. కుక్కలు ఇంటిని విడిచిపెట్టినప్పుడు లేదా దారి తప్పిపోయినప్పుడు బాధపడతాయని అధ్యయనాలు చూపిస్తున్నాయి. ఈ బాధ రాత్రిపూట ఏడవడానికి దారితీస్తుంది. తరచుగా అవి తమ కుటుంబానికి దూరమైనందున అర్ధరాత్రి ఏడుస్తాయి. అంతేకాకుండా, వయసు పెరిగే కొద్దీ కుక్కలు మరింత భయపడటం ప్రారంభిస్తాయి. అటువంటి సందర్భాలలో కూడా అవి నిరంతరం మొరుగుతాయని, కొన్నిసార్లు వింత స్వరంతో ఏడుస్తాయి చెబుతున్నారు నిపుణులు.
  2. ఇతర తోటి కుక్కలకు సంకేతం ఇవ్వడానికి: కుక్కలు తమ గుంపు నుండి విడిపోయినప్పుడు, తమ తోటివాళ్లకు సంకేతం ఇవ్వడానికి కూడా మొరగడం ప్రారంభిస్తాయి. ఒక కుక్క తన గుంపు నుండి విడిపోయి వేరే ప్రదేశానికి వెళ్ళినప్పుడు, అది తన తోటివాళ్లకు తన స్థానాన్ని తెలియజేయడానికి రాత్రిపూట గట్టిగా మొరుగుతుంది. అమెరికన్ కెన్నెల్ క్లబ్ (AKC) ప్రకారం, ఈ రకమైన శబ్దాలు కుక్కలు ఒకదానితో ఒకటి సంభాషించుకోవడానికి కూడా ఒక మార్గం కావచ్చు. అవి ఇతర కుక్కలకు సంకేతం ఇవ్వడానికి లేదా వాటికి తమ ఉనికిని, స్థానాన్ని తెలియజేయడానికి ఇలాంటి శబ్దాలతో మొరుగుతాయి.
  3. ఏదో ఒక హెచ్చరిక సంకేతం ఉంది: మనుషుల కంటే కుక్కలకు వినికిడి శక్తి మెరుగ్గా ఉంటుంది. మనం వినలేని శబ్దాలను అవి వినగలవు. అవి ఏదైనా అసాధారణ శబ్దాన్ని గానీ, తెలియని వ్యక్తి ఉనికిని గానీ పసిగట్టినప్పుడు, ఊళ వేయడం ద్వారా మనల్ని హెచ్చరించడానికి ప్రయత్నిస్తాయి. అంతేకాకుండా, తమ పరిసరాల పట్ల చాలా అప్రమత్తంగా ఉండే కుక్కలు, ఒక అపరిచితుడిని, మరో జంతువును, లేదా ఏదైనా అసాధారణ కదలికను చూసినప్పుడు కూడా ఊళ వేయడం ద్వారా ప్రతిస్పందిస్తాయి.
  4. ఆకలి: చాలా సార్లు వీధి కుక్కలు ఆకలితో కూడా ఏడుస్తాయి. తమకు ఆకలిగా ఉందని తెలియజేయడానికి అవి గట్టిగా మొరగడం ప్రారంభిస్తాయి. సాధారణంగా వీధి కుక్కలు ఆకలిగా ఉన్నప్పుడు ఇలా ఏడుస్తాయి.
  5. ఆరోగ్య సమస్య: ఇంకొక కారణం ఏమిటంటే, కుక్కలు నొప్పిగా ఉన్నప్పుడు లేదా అనారోగ్యంగా ఉన్నప్పుడు బిగ్గరగా అరుస్తాయి. అవి తమ స్నేహితులను కోల్పోయినప్పుడు కూడా ఈ వింత పద్ధతిలో అరుస్తూ తమ దుఃఖాన్ని వ్యక్తపరుస్తాయి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి

Follow Us