Health Tips: వైట్ రైస్ Vs బ్రౌన్ రైస్.. రెండింటిలో ఏది మంచిది..? ఎవరు ఏది తినాలి..?

బియ్యం భారతీయ ఆహారంలో ముఖ్యమైన భాగం. భారతీయులకే ఇదే ప్రధాన ఆహారం. కొంతమందికి ప్లేట్‌లో ఎన్ని ఉన్నా.. అన్నం లేకపోతే కడుపు నిండదు. అన్నంలో అనేక రకాల పోషకాలు ఉంటాయి. ఇది సులభంగా జీర్ణమవుతుంది. బియ్యంలోనే అనే రకాల బియ్యం ఉన్నాయి. వాటిని ఆకృతి, పరిమాణం, ఉపయోగం ఆధారంగా విభజించారు. బియ్యం ఎక్కువగా తెలుపు, గోధుమ రంగులో ఉంటుంది. బ్రౌన్ రైస్ తెల్ల బియ్యం కంటే ఎక్కువ ప్రయోజనకరంగా ఉంటుంది. రెండూ ఆరోగ్యానికి ప్రయోజనకరమైనవి అయినప్పటికీ.. రెండింటిలో ఏది ఎక్కువ ప్రయోజనకరంగా ఉంటుందో తెలుసుకుందాం..

బ్రౌన్ రైస్..

వైట్ రైస్, బ్రౌన్ రైస్ రెండింటికీ వాటి స్వంత విభిన్న ప్రయోజనాలు ఉన్నాయని ఆరోగ్య నిపుణులు అంటున్నారు. ఇందులో ఊక, ఎండోస్పెర్మ్ ఉన్నాయి. ఫైబర్, విటమిన్లు, ఖనిజాల పరంగా ఇది తెల్ల బియ్యం కంటే ఎక్కువ పోషకమైనది. బ్రౌన్ రైస్‌లో మంచి మొత్తంలో ఫైబర్ ఉంటుంది. ఇది జీర్ణక్రియకు, రక్తంలో చక్కెర నియంత్రణకు సహాయపడుతుంది. బ్రౌన్ రైస్‌లో తెల్ల బియ్యం కంటే మాంగనీస్, సెలీనియం, మెగ్నీషియం ఎక్కువగా ఉంటాయి. బ్రౌన్ రైస్‌లో తెల్ల బియ్యం కంటే తక్కువ గ్లైసెమిక్ ఇండెక్స్ ఉంటుంది. ఇది రక్తంలో చక్కెర స్థాయిలను అదుపులో ఉంచడంలో సహాయపడుతుంది.

బ్రౌన్ రైస్‌ ఎవరు తినాలి..? ఎవరు తినకూడదు..?

బ్రౌన్ రైస్‌లో తక్కువ గ్లైసెమిక్ ఇండెక్స్ ఉంటుంది. అందువల్ల డయాబెటిస్, ప్రీ-డయాబెటిస్ రోగులు దీనిని తినడం సరైనది. ఇందులో మంచి మొత్తంలో ఫైబర్ ఉంటుంది. అధిక ఫైబర్ ఆహారాలు తినమని సూచించే వ్యక్తులకు బ్రౌన్ రైస్ కూడా ఉత్తమ ఎంపిక. దీంతో పాటు కొంతమంది బ్రౌన్ రైస్ తినకుండా ఉండాలి. ఇందులో అధిక మొత్తంలో ఫైబర్ ఉంటుంది.. కాబట్టి IBS వ్యాధి వంటి జీర్ణ రుగ్మతలను పెంచుతుందని నిపుణులు అంటున్నారు. ఫైటిక్ యాసిడ్, ఐరన్, జింక్ వంటి కొన్ని ఖనిజాల శోషణను నిరోధిస్తుంది. అందువల్ల శరీరంలో ఐరన్, జింక్ లోపం ఉంటే దానిని నివారించాలి.

వైట్ రైస్

వైట్ రైస్ తయారు చేసేటప్పుడు.. ఊక దాని నుండి తొలగిస్తారు. దీని కారణంగా దీంట్లో ఖాళీ కేలరీలు ఉంటాయి. కానీ దీని తరువాత కూడా మంచి శక్తికి మూలం. మంచి పోషకాలతో సమతుల్య ఆహారంలో భాగం అవుతుంది. తెల్ల బియ్యం సాధారణంగా బ్రౌన్ రైస్ కంటే జీర్ణం కావడం సులభం. కడుపు నొప్పి లేదా దానికి సంబంధించిన ఏదైనా సమస్యకు ఇది మంచి ఎంపిక కావచ్చు. తెల్ల బియ్యంలో గ్లైసెమిక్ సూచిక ఎక్కువగా ఉంటుంది. అందువల్ల ఇది శక్తికి మంచి వనరుగా పేరుగాంచింది.

వైట్ రైస్‌ను ఎవరు తినాలి..? ఎవరు తినకూడదు..?

తెల్ల బియ్యం యొక్క గ్లైసెమిక్ సూచిక ఎక్కువగా ఉంటుంది. అటువంటి పరిస్థితిలో షుగర్ ఉన్నవాళ్లు దీనిని తినకపోవడం బెటర్. బ్రౌన్ రైస్ కంటే తెల్ల బియ్యం జీర్ణం కావడం సులభం. అటువంటి పరిస్థితిలో, బలహీనమైన జీర్ణక్రియ లేదా జీర్ణ సమస్యలు ఉన్న సందర్భంలో దీనిని తినడం సరైనది. ఇందులో అధిక మొత్తంలో కేలరీలు ఉంటాయి. ఇది బరువు పెరగడానికి కారణమవుతుంది. కాబట్టి బరువు తగ్గానుకునేవారు దీనిని తినకూడదు.

బ్రౌన్ -వైట్ రైస్ రెండూ వివిధ మార్గాల్లో ఆరోగ్యానికి ప్రయోజనకరంగా, హానికరంగా ఉంటాయని నిపుణులు చెబుతున్నారు. బ్రౌన్ రైస్ మొత్తం మీద మెరుగైన ఎంపిక. ఎందుకంటే ఇందులో ఎక్కువ ఫైబర్, పోషకాలు ఉంటాయి. కానీ అథ్లెట్లకు లేదా జీర్ణశయాంతర సమస్యలు ఉన్నవారికి తెల్ల బియ్యం ప్రయోజనకరంగా ఉంటుంది. ఇది కాకుండా ప్రతి వ్యక్తి శరీర అవసరాలు, వైద్య పరిస్థితులు భిన్నంగా ఉంటాయి. దాని ఆధారంగా వీటిని తినాలి.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..