చర్మంపై పులిపిర్ల సమస్య వేధిస్తుందా? సర్జరీ లేకుండా ఇంట్లోనే శాశ్వతంగా తొలగించే ఆయుర్వేద చిట్కా!
ముఖం, మెడ లేదా శరీరంపై వచ్చే పులిపిర్లు సౌందర్యాన్ని దెబ్బతీయడమే కాకుండా తీవ్ర అసౌకర్యాన్ని కలిగిస్తాయి. వీటిని తొలగించడానికి ఖరీదైన శస్త్రచికిత్సలు లేదా కాస్మెటిక్ చికిత్సల అవసరం లేకుండా ఆయుర్వేద పద్ధతుల్లో సులభంగా ఉపశమనం పొందవచ్చు. ఆయుర్వేదాచార్య దీపక్ కుమార్ తెలిపిన వివరాల ప్రకారం... ఇంట్లోనే లభించే కొన్ని సహాజ పదార్థాలతో ఈజీగా తొలగించుకోవచ్చు. అది ఎలాగో ఇప్పుడు చూద్దాం..
చర్మంపై చిన్న చిన్న పులిపిర్లు ఏర్పడటం చాలామందిలో చూస్తుంటాం. ఇవి ముఖ్యంగా ముఖం, మెడ, చేతులు, కాళ్లపై ఎక్కువగా వచ్చి చర్మ సౌందర్యాన్ని పాడుచేస్తాయి. వీటిని తొలగించుకోవడానికి చాలామంది లేజర్ ట్రీట్మెంట్లు, క్లినికల్ సర్జరీలు చేయించుకుంటూ వేల రూపాయలు ఖర్చు చేస్తుంటారు. కానీ, పూర్వకాలం నుండి ఆయుర్వేదంలో ఎటువంటి శస్త్రచికిత్సలు లేకుండానే పులిపిర్లను సులభంగా రాల్చేసే అనేక దేశీ చిట్కాలు అందుబాటులో ఉన్నాయి. ఆయుర్వేదాచార్య దీపక్ కుమార్ సూచించిన అద్భుతమైన గృహచిట్కా మరియు వైద్యుల సలహాల గురించి ఇప్పుడు వివరంగా తెలుసుకుందాం.
పులిపిర్లను తొలగించే ఆయుర్వేద లేపనం :
ఇంట్లోనే సులభంగా తయారుచేసుకునే ఈ లేపనం పులిపిర్లపై చాలా వేగంగా ప్రభావం చూపుతుంది.
కావలసిన పదార్థాలు:
సున్నం – 10 గ్రాములు
సజ్జీ క్షారం – 10 గ్రాములు
బట్టలు ఉతికే పౌడర్ – 10 గ్రాములు
గేరూ మట్టి – 2 గ్రాములు
తయారీ ఉపయోగించే విధానం:
పైన పేర్కొన్న అన్ని పదార్థాలను ఒక గిన్నెలో తీసుకుని, కొద్దిగా నీటిని కలిపి చిక్కటి లేపనంలా తయారుచేసుకోవాలి. ఈ లేపనాన్ని అగ్గిపుల్ల సహాయంతో కేవలం పులిపిరి ఉన్న ప్రాంతంలో మాత్రమే జాగ్రత్తగా రాయాలి. దీనిని రాసిన ఒక రోజులోనే పులిపిరి ఎండిపోవటం ప్రారంభమవుతుంది. రెండు లేదా మూడు రోజుల్లో అది ఎండిపోయి దానంతట అదే ఊడిపోతుంది. ఒకవేళ మొదటిసారికి తగ్గకపోతే రెండు రోజుల విరామం తర్వాత మళ్లీ అప్లై చేయవచ్చు.
సెలసిలిక్ యాసిడ్ ఉపయోగాలు:
అమెరికన్ అకాడమీ ఆఫ్ డెర్మటాలజీ ప్రకారం, పులిపిర్లను తొలగించడానికి సెలసిలిక్ యాసిడ్ ఎంతో ప్రభావవంతమైనది. ఇది జెల్, లిక్విడ్ లేదా ప్యాచెస్ రూపంలో లభిస్తుంది. దీనిని పులిపిరిపై క్రమంతప్పకుండా రాయడం వల్ల చర్మపు పొరలు మెల్లగా తొలగిపోయి పులిపిర్లు శాశ్వతంగా మాయమవుతాయి. అయితే దీనిని ఉపయోగించే ముందు డెర్మటాలజిస్ట్ సలహా తీసుకోవడం శ్రేయస్కరం.
జాగ్రత్తలు:
ఏదైనా లేపనం లేదా చిట్కా ఉపయోగించే ముందు దానిని చర్మంపై చిన్న భాగంలో ప్యాచ్ టెస్ట్ చేయడం మంచిది. కళ్ళ చుట్టూ ఉన్న సున్నితమైన ప్రాంతాల్లో ఇటువంటి లేపనాలు వాడేటప్పుడు అత్యంత జాగ్రత్త వహించాలి. అనవసరమైన భయాలు, ఖరీదైన చికిత్సల జోలికి పోకుండా సరైన జాగ్రత్తలతో ఈ సహజ ఆయుర్వేద లేపనాన్ని ఉపయోగించడం ద్వారా పులిపిర్ల సమస్య నుండి సులభంగా ఉపశమనం పొందవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..