Gut Health: ఈ ఐదు సూపర్ ఫుడ్స్ మీ ఆహారంలో ఉంటే.. ఆ సమస్యకు చూమంత్రం వేసినట్టే!
మారుతున్న లైఫ్స్లైట్, ఆహారపు అలవాట్ల కారణంగా చాలా మంది అనారోగ్య సమస్యలను ఎదుర్కొంటున్నారు. అందులో పేరు ఆరోగ్యం క్షీణించడం కూడా ఒకటి. మన కడుపు ఆరోగ్యంగా ఉంటేనే మనం పూర్తిగా ఆరోగ్యంగా ఉండగలం. కాబట్టి కడుపు ఆరోగ్యానికి దోహదపడే ఆహారం తీసుకోవడం ఎంతో ముఖ్యం. ఈ విషయంలో పులియబెట్టిన ఆహారాలు బలమైన జీర్ణవ్యవస్థకు ఎంతో మద్దతు ఇస్తాయని నిపుణులు చెబుతున్నారు. ఈ ఆహారాలలోని ప్రోబయోటిక్స్ కడుపులోని మంచి బ్యాక్టీరియాను సక్రియం చేసి జీర్ణక్రియను సులభతరం చేస్తాయి తర్వాత రోగనిరోధక శక్తి కూడా పెరుగుతుంది. మనం ఎలాం వ్యాధుల భారీన పడకుండా ఉంటాం. కాబట్టి పేగు ఆరోగ్యానికి దోహదపడే ఆ ఆహారాలు ఏవో ఇప్పుడు తెలుసుకుందాం.
అస్సామీ ఖోరిసా: అస్సాం స్లైట్లో పులియబెట్టిన ఈ ఆహారాన్ని మృదువైన వెదురు రెమ్మలతో తయారు చేస్తారు. దీన్ని తయారు చేసేప్పుడు వాడే కిణ్వ ప్రక్రియ దీనికి ఘాటైన, సుగంధ రుచిని ఇస్తుంది. ఖోరిసాలో ఫైబర్, విటమిన్లు పుష్కలంగా ఉంటాయి. ఇవి జీర్ణక్రియకు చాలా ప్రయోజనకరంగా ఉంటాయి. కొంతమంది దీనిని నాన్-వెజ్ వంటకాలతో పాటు ఊరగాయగా కూడా తింటారు.
గుండ్రుక్: హిమాచల్ ప్రదేశ్ ప్రాంతాలలో ప్రత్యేకంగా తయారుచేసే ఈ పులియబెట్టిన ఆహారాన్ని ఆవాలు లేదా ఆకు కూరలతో తయారు చేస్తారు. దీనిని ఎండబెట్టి, సూప్ లేదా ఊరగాయగా ఉపయోగిస్తారు. గుండ్రుక్ కడుపు ఆరోగ్యంతో పాటు అనేక ఇతర ఆరోగ్య ప్రయోజనాలను అందిస్తుంది.
కంజి: కంజి అనేది మీ పేగు ఆరోగ్యానికి గొప్ప ఆరోగ్యకరమైన ప్రోబయోటిక్ పానీయం. దీనిని వివిధ రకాల కూరగాయలతో తయారు చేయవచ్చు. విటమిన్లు, ఖనిజాలతో సమృద్ధిగా ఉండే ఈ జీర్ణ ఆహారం జీర్ణక్రియకు ఎంతగానో సహాయపడుతుంది. అలాగే శరీరానికి తక్షణ శక్తిని అందిస్తుంది.
పంటా భట్: బెంగాల్, ఒడిశాలో ప్రాంతాల్లో ప్రసిద్ధి చెందిన పంటా భట్, మిగిలిపోయిన అన్నాన్ని రాత్రంతా నీటిలో పులియబెట్టడం ద్వారా దీనిని తయారు చేస్తారు. ఉదయం, దీనిని పెరుగు, ఉప్పు, పచ్చిమిర్చితో కలిపి తీసుకుంటారు. కొన్నిసార్లు పచ్చి ఉల్లిపాయ లేదా బంగాళాదుంపతో కూడా దీన్ని తింటారు.
ఇంట్లో తయారుచేసిన పెరుగు: పులియబెట్టిన ఆహారాలలో పెరుగు అత్యంత సులభమైన ఎంపిక. మీరు మీ ఆహారంలో ప్రోబయోటిక్స్ జోడించాలనుకుంటే, మార్కెట్లో లభించే ప్యాక్ చేసిన పెరుగు కంటే ఇంట్లో తయారుచేసిన పెరుగు ఎక్కువ ప్రయోజనకరంగా ఉంటుంది.
నేటి కాలంలో పేగు ఆరోగ్యాన్ని కాపాడుకోవడం చాలా ముఖ్యమైన విషయంగా మారింది. కడుపు ఆరోగ్యం బాగుంటే జీర్ణవ్యవస్థ కూడా బలంగా ఉంటుంది. పులియబెట్టిన ఆహారాలు దీనికి చాలా ముఖ్యమైనవి, ఎందుకంటే ఈ ఆహారాలలో ఉండే ప్రోబయోటిక్స్ కడుపులోని మంచి బ్యాక్టీరియాను బలోపేతం చేస్తాయి.