చికెన్ లెగ్ పీస్ అంటే మీకూ ఇష్టమా? తినేటప్పుడు ఈ పొరబాట్లు చేశారో బండి షెడ్డుకే..
చాలా మంది చికెన్ ప్రియులు.. దానిలోని బోన్స్ కూడా ఫట్ ఫట్ మని లాగించేస్తుంటారు. చికెన్ ఎముకలను నమలడంలో కొందరికి ప్రత్యేక మజా ఉంటుంది. అది స్పెషల్ చికెన్, తందూరి చికెన్, గ్రిల్డ్ చికెన్ అయినా.. భలే ఇష్టంగా తింటారు. కానీ మీరు నమిలే చికెన్ ఎముకలు..
ఇంట్లో చికెన్ వండినప్పుడు.. చాలా మంది లెగ్ పీస్ కోసం పట్టుబడతారు. రెస్టారెంట్కు వెళ్లినా ప్రత్యేకంగా లెగ్పీస్లను ఆర్డర్ ఇచ్చిమరీ లాగించేవారు ఉన్నారు. ఎందుకంటే వీరు చికెన్తోపాటు దానిలోపల ఎముకను నమిలి తింటూ ఎంజాయ్ చేస్తారు. చికెన్ ఎముకలను నమలడంలో కొందరికి ప్రత్యేక మజా ఉంటుంది. అది స్పెషల్ చికెన్, తందూరి చికెన్, గ్రిల్డ్ చికెన్ అయినా.. భలే ఇష్టంగా తింటారు. కానీ మీరు నమిలే చికెన్ ఎముకలు మీ ఆరోగ్యంపై ఎలాంటి ప్రభావం చూపుతాయో మీకు తెలుసా? ప్రతిదానికీ మంచి ఉన్నట్లే, చెడు కూడా ఉటుందని నిపుణులు అంటున్నారు. చికెన్ ఎముకల విషయంలోనూ ఇదే జరుగుతుంది.
ముందు చికెన్ బోన్స్ వల్ల కలిగే లాభాలు తెలుసుకుందాం..
చికెన్ కొల్లాజెన్, ఖనిజాలకు మంచి మూలం. కోడి ఎముకల లోపల ఉన్న ఎముక మజ్జలో కాల్షియం, భాస్వరం, మెగ్నీషియం, కొల్లాజెన్ ఉంటాయి. ఇవి ఎముక నిర్మాణం, చర్మానికి ప్రయోజనకరంగా ఉంటాయి. వీటి వల్ల జెలటిన్ లభిస్తుంది. ఎముకలను నమలడం వల్ల కొద్ది మొత్తంలో జెలటిన్ లభిస్తుంది. ఇది జీర్ణక్రియకు సహాయపడుతుంది. ప్రేగులను ఆరోగ్యంగా ఉంచడంలో సహాయపడుతుంది. ఎముక మజ్జలో బహుళ పోషక ప్రయోజనాలు కూడా ఉన్నాయి. ఇందులో ఒమేగా-3 కొవ్వు ఆమ్లాలు, ఇనుము, సెలీనియం, జింక్ ఉంటాయి. కాలేయం కొవ్వు కణజాలంలో విటమిన్లు A, E, K ఉంటాయి. ఎముక (మజ్జ) లోని ఎర్రటి భాగంలో విటమిన్ బి 12 రెట్లు అధికంగా ఉంటుంది. ఇందులో థయామిన్, రిబోఫ్లేవిన్, భాస్వరం ఉంటాయి. ఇది మెదడు అభివృద్ధికి చాలా ప్రయోజనకరంగా ఉంటుంది. ఎముక మజ్జలో గ్లూకోసమైన్, గ్లైసిన్, కంజుగేటెడ్ లినోలెయిక్ ఆమ్లం ఉంటాయి. ఇవి వాపును తగ్గించడంలో సహాయపడతాయి. ఎముకలలోని అడెనోపెక్టిన్ ఇన్సులిన్ ప్రభావాన్ని నిర్వహిస్తుంది. అలాగే కొవ్వును విచ్ఛిన్నం చేయడంలో సహాయపడుతుంది. అందువల్ల ఇది డయాబెటిక్ మెటబాలిక్ సిండ్రోమ్ను నివారించడానికి సహాయపడుతుంది.
చికెన్ బోన్స్ వల్ల దుష్ప్రభావాలు..
పదునైన ఎముకలు తినడం వల్ల గొంతు దెబ్బతింటుంది. కోడి ఎముకలు విరిగినప్పుడు అవి పదునుగా మారుతాయి. అలాంటి ఎముకలు గొంతు లేదా అన్నవాహికలో ఇరుక్కుపోయే ప్రమాదం ఉంది. ఎముక పదునుగా ఉండి కడుపులోకి ప్రవేశిస్తే, పేగులు కోయడం లేదా పంక్చర్ అయ్యే ప్రమాదం ఉంది. ఇది శారీరకంగా చాలా ప్రమాదకరం. సరిగ్గా ఉడికించకపోతే, ఎముకలపై బ్యాక్టీరియా, టాక్సిన్స్ అలాగే ఉండిపోవచ్చు. ఇది ఇన్ఫెక్షన్కు కారణమవుతుంది. గట్టి ఎముకలను ఎక్కువగా నమలడం వల్ల దంతాలపై ఉండే ఎనామెల్ దెబ్బతింటుంది. దంతాలలో పగుళ్లు కూడా వస్తాయి. ఇది దంతాలలో కావిటీలకు దారితీస్తుంది. అంతేకాకుండా ఎనామెల్ దెబ్బతిన్నట్లయితే వేడి, చల్లని ఆహారాలు రెండింటినీ తినేటప్పుడు తీవ్ర సమస్యలను ఎదుర్కోవలసి ఉంటుంది. తలతిరుగుతున్నట్లు అనిపిస్తుంది.
చికెన్ ఎముకలను నమలడం వల్ల కొన్ని పోషక ప్రయోజనాలు ఉన్నప్పటికీ, కొన్ని ప్రమాదాలు కూడా ఉన్నాయి. కాబట్టి సరైన వంట, వయస్సు ఆధారంగా నిర్ణయం తీసుకోవడం తెలివైన పని. ప్రమాదాలు ఉంటే ఈ అలవాటును నివారించడం మంచిది.
మరిన్ని లైఫ్స్టైల్ కథనాల కోసం క్లిక్ చేయండి.