వేప ఆకులు మాత్రమే కాదు.. పువ్వుతో కూడా పుష్కలమైన ఆరోగ్య ప్రయోజనాలు.. ఇలాంటి సమస్యకు దివ్యౌషధం..!

Neem Flower Tea

వేప చెట్టు గురించి మనందరికీ తెలుసు. వేపచెట్టులోని ప్రతి భాగం మన ఆరోగ్యానికి ఎంతో సహాయపడుతుంది. వేప చెట్టు గాలి కూడా ఎంతో స్వచ్చమైనది. అయితే, వేప చెట్టు పువ్వు కూడా మన ఆరోగ్యానికి చాలా మేలు చేస్తుందని మీకు తెలుసా..? ఈ విషయం చాలా మందికి తెలియదు. తెలుగు సంవత్సరాది ఉగాది రోజున ఉగాది పచ్చడిలో వేప పువ్వును వేసుకొని తింటాము. అలాంటి వేప పువ్వు తింటే శరీరం వజ్రంలా మారుతుందని తరచూ పెద్దలు చెబుతుంటారు.. అలాంటి వేప పువ్వులో ఎన్ని ఆరోగ్య ప్రయోజనాలు దాగి ఉన్నాయో ఇక్కడ తెలుసుకుందాం.

బరువు తగ్గడానికి వేప పువ్వు టీని తీసుకోవచ్చు. అయితే, ఈ టీని తయారు చేయడానికి మీరు పెద్దగా శ్రమించాల్సిన అవసరం లేదు. ముందుగా మీరు తాజా వేప పూలను తీసుకోండి. ఇప్పుడు ఈ పువ్వులను బాగా కడగాలి. దీని తర్వాత 1 కప్పు నీటిలో బాగా మరిగించాలి. అంతే వేప పువ్వు టీ రెడీ అయినట్టే..ఈ టీని ప్రతిరోజూ ఖాళీ కడుపుతో తీసుకుంటే శరీర బరువు తగ్గుతుంది.

వేప పూలను తేనెతో కలిపి వాడితే పొట్ట కొవ్వు కరిగిపోతుంది. వేప పూలు, తేనె కలిపి వాడితే బరువు తగ్గుతారు. మీ శరీర బరువును త్వరగా తగ్గించడంలో ఈ రెండింటి కలయిక చాలా ప్రభావవంతంగా పనిచేస్తుంది. దీన్ని ఉపయోగించడానికి, కొన్ని వేప పువ్వులను తీసుకుని వాటిని బాగా రుబ్బుకోవాలి. దీని తర్వాత 1 టేబుల్ స్పూన్ తేనె కలపాలి. ఈ మిశ్రమాన్ని ఉదయాన్నే ఖాళీ కడుపుతో తీసుకుంటే పొట్ట కొవ్వు త్వరగా తగ్గుతుంది. దీనితో పాటు, మీరు వేప టీలో నిమ్మకాయను కూడా కలిపి తీసుకొవచ్చు.

వేప పువ్వులో మాయిశ్చరైజింగ్ లక్షణాలు ఉంటాయి. ఇవి చర్మంలో జిడ్డును దూరం చేస్తుంది. పొడిబారిన చర్మాన్ని దూరం చేస్తుంది. వేప పువ్వు జీర్ణ క్రియను ప్రోత్సహిస్తుంది. వేప పువ్వు పొడిని నీళ్లలో కలిపి చిక్కటి మిశ్రమాన్ని తయారు చేసుకుని మొటిమలు ఉన్న ప్రదేశంలో రాస్తే మొటిమలు తగ్గటమే కాకుండా మొటిమల కారణంగా వచ్చే మచ్చలు కూడా తగ్గిపోతాయి. అలాగే చర్మం దురద సమస్యలు ఉంటే కూడా తొలగిపోతాయి. బ్లాక్‌ హెడ్స్ ని తగ్గిస్తుంది. అంటే ఇన్ని ఆరోగ్య ప్రయోజనాలు దాగివున్న వేప పువ్వును ఇకపై నిర్లక్ష్యం చేయకండి.. రోజూ వేప పువ్వు టీ తాగడం అలవాటు చేసుకోండి. తద్వారా మీరు క్రమంగా బరువు తగ్గడం ప్రారంభమవుతుంది.

మరిన్ని లైఫ్ స్టైల్ న్యూస్ కోసం క్లిక్ చేయండి..