MirchiVada: ఆలూ స్టఫింగ్‌తో చేసే జోధ్‌పురి మిర్చివడా.. ఇలా చేస్తే ముక్క మిగల్చరు..

వర్షాకాలంలో వేడివేడిగా, కరకరలాడే స్నాక్స్ తినాలనిపిస్తే, రాజస్థానీ స్పెషల్ ‘జోధ్‌పురి భర్వా మిర్చి వడా’ బెస్ట్ ఆప్షన్. లోపల రుచికరమైన ఆలూ స్టఫింగ్‌తో, ఈ మిర్చి వడాను ఇంట్లోనే సులభంగా తయారుచేసుకోవచ్చు. మరి ఈ స్పెషల్ రెసిపీని ఎలా చేయాలో తెలుసుకుందాం..

కావాల్సిన పదార్థాలు:

అల్లం వెల్లుల్లి పేస్ట్ కోసం:

వెల్లుల్లి రెబ్బలు – 2 (తరిగినవి)

అల్లం – 1 అంగుళం ముక్క (తొక్క తీసి, ముక్కలుగా చేసినది)

పచ్చిమిర్చి – 4 (కారం తక్కువ ఉండేవి, తరిగినవి)

వేయించడానికి (రోస్టింగ్):

ధనియాలు – 2 టేబుల్ స్పూన్లు

బ్యాటర్ కోసం:

శనగపిండి – 2 కప్పులు

వాము – 1/4 టీస్పూన్

కారం – 1/2 టీస్పూన్

ఇంగువ – చిటికెడు

నూనె – 1 టీస్పూన్

ఉప్పు – రుచికి సరిపడా

పంచదార – 1/2 టీస్పూన్

నీరు – 1/3 కప్పు

నూనె – 2 టీస్పూన్లు

వెనిగర్ – 1 టేబుల్ స్పూన్

బేకింగ్ సోడా – 1 టీస్పూన్

స్టఫింగ్ కోసం:

నూనె – 2-3 టేబుల్ స్పూన్లు

జీలకర్ర – 1 టీస్పూన్

సోంపు – 1/2 టీస్పూన్

ఇంగువ – చిటికెడు

అల్లం వెల్లుల్లి పేస్ట్

ఉడికించిన బంగాళాదుంపలు – 6 (తొక్క తీసి, మెత్తగా చేసినవి)

వేయించిన ధనియాలు – 1 టేబుల్ స్పూన్

కారం – 1 టీస్పూన్

పసుపు పొడి – 1/2 టీస్పూన్

ఉప్పు – రుచికి సరిపడా

పంచదార – 1/2 టీస్పూన్

డ్రై మామిడి పొడి (ఆమ్‌చూర్) – 1 టీస్పూన్ (ఆప్షనల్)

సిట్రిక్ యాసిడ్ – 1 టీస్పూన్

మిర్చి వడా కోసం:

భావ్‌నగరి మిర్చి – 12-15 (కాడలు తీసి, లోపల గింజలు తీసేసినవి)

ఉప్పు – రుచికి సరిపడా

సిద్ధం చేసిన స్టఫింగ్

తాజా కొత్తిమీర తరుగు – 2 టేబుల్ స్పూన్లు

ఇతర పదార్థాలు:

స్ప్రింగ్ రోల్ షీట్ – 1

నూనె – వేయించడానికి

గార్నిష్ కోసం:

కొత్తిమీర రెమ్మ

తయారీ విధానం:

అల్లం, వెల్లుల్లి, పచ్చిమిర్చిని కచ్చా పచ్చాగా రుబ్బుకోని పక్కన పెట్టుకోవాలి. ఆ తరువాత ఒక పాన్‌లో ధనియాలు వేసి తక్కువ మంటపై 2-3 నిమిషాలు సువాసన వచ్చేవరకు వేయించాలి. వాటిని పేపర్‌లోకి తీసుకుని, రోలింగ్ పిన్‌తో నలుపుకుని పక్కన పెట్టుకోవాలి.

ఒక గిన్నెలో శనగపిండి, వాము, కారం, చిటికెడు ఇంగువ, 1 టీస్పూన్ నూనె, రుచికి సరిపడా ఉప్పు, పంచదార, 1/3 కప్పు నీరు వేసి మెత్తటి బ్యాటర్‌ను తయారుచేయాలి. తర్వాత 2 టీస్పూన్ల నూనె, వెనిగర్ వేసి బాగా కలిపి కొన్ని నిమిషాలు పక్కన ఉంచాలి. చివరిగా బేకింగ్ సోడా వేసి బాగా కలపాలి.

స్టఫింగ్ తయారీ: ఒక కడాయిలో నూనె వేడిచేసి, జీలకర్ర, సోంపు, చిటికెడు ఇంగువ, సిద్ధం చేసిన అల్లం వెల్లుల్లి పేస్ట్ వేసి ఒక నిమిషం పాటు వేయించాలి. ఉడికించిన బంగాళాదుంపలు, వేయించిన ధనియాలు, కారం, పసుపు, రుచికి సరిపడా ఉప్పు వేసి 5-6 నిమిషాలు ఉడికించాలి. చివరగా పంచదార, డ్రై మామిడి పొడి, సిట్రిక్ యాసిడ్ వేసి ఒక నిమిషం ఉడికించి, ఒక గిన్నెలోకి తీసుకుని, కొత్తిమీర తరుగు కలిపి పక్కన పెట్టుకోవాలి.

మిర్చి వడా తయారీ: మిర్చి తీసుకుని, వాటికి కొద్దిగా ఉప్పు చల్లి మ్యారినేట్ చేయాలి. మిర్చి లోపల సిద్ధం చేసిన బంగాళాదుంప స్టఫింగ్‌ను నింపి, అంచులను సరిగ్గా మూసివేయాలి. స్టఫ్ చేసిన మిర్చిని బ్యాటర్‌లో ముంచి, వేడి నూనెలో బంగారు రంగు వచ్చేవరకు వేయించాలి. వేడివేడి మిర్చి వడాను సర్వింగ్ డిష్‌లోకి తీసుకుని కొత్తిమీరతో గార్నిష్ చేయాలి. గ్రీన్ చట్నీ, చింతపండు చట్నీతో వేడివేడిగా సర్వ్ చేస్తే చాలా రుచిగా ఉంటాయి.