Chilli Cheese Sabudana Vada: వానాకాలంలో వేడి వేడి స్నాక్ తినాలనిపిస్తోందా?.. చీజ్ స్టఫింగ్‌తో కరకరలాడే సగ్గుబియ్యం వడలు

ఇంట్లో ఉన్న సాధారణ పదార్థాలతోనే ఈ రెసిపీని సులభంగా తయారు చేసుకోవచ్చు. సాయంత్రం స్నాక్‌గా, అతిథులు వచ్చినప్పుడు లేదా వీకెండ్ స్పెషల్‌గా కూడా ఇవి బాగా సరిపోతాయి. మరి ఈ టేస్టీ చిల్లీ చీజ్ సగ్గుబియ్యం వడను ఎలా తయారు చేసుకోవాలో చూద్దాం.

కావలసిన పదార్థాలు

సగ్గుబియ్యం – 1 కప్పు

ఉడికించిన బంగాళాదుంపలు – 2

పచ్చిమిర్చి – 2 (సన్నగా తరిగినవి)

జీలకర్ర – ½ టీస్పూన్

కొత్తిమీర – 2 టేబుల్ స్పూన్లు

ఉప్పు – తగినంత

చిల్లీ ఫ్లేక్స్ – 1 టీస్పూన్

చీజ్ క్యూబ్స్ – 4 నుంచి 5 (చిన్న ముక్కలుగా కట్ చేసినవి)

నూనె – వేయించడానికి సరిపడా

తయారీ విధానం

ముందుగా సగ్గుబియ్యాన్ని 4 నుంచి 5 గంటల పాటు నానబెట్టాలి. తర్వాత అందులోని అదనపు నీటిని పూర్తిగా వడకట్టాలి.

ఒక గిన్నెలో ఉడికించి మెదిపిన బంగాళాదుంపలు, సగ్గుబియ్యం, పచ్చిమిర్చి, జీలకర్ర, కొత్తిమీర, ఉప్పు, చిల్లీ ఫ్లేక్స్ వేసి బాగా కలపాలి.

ఈ మిశ్రమాన్ని చిన్న ఉండలుగా చేసుకుని మధ్యలో చీజ్ ముక్క పెట్టి వడ ఆకారంలో ఒత్తాలి. చీజ్ బయటకు రాకుండా జాగ్రత్తగా మూసివేయాలి.

కడాయిలో నూనె వేడి చేసి వడలను మీడియం మంటపై బంగారు రంగు వచ్చే వరకు వేయించాలి. బయట కరకరలాడేలా, లోపల చీజ్ కరిగేలా వేయిస్తే రుచి మరింత బాగుంటుంది.

వేడి వేడిగా టమాటో సాస్ లేదా పుదీనా చట్నీతో సర్వ్ చేస్తే చిల్లీ చీజ్ సగ్గుబియ్యం వడ రెడీ.

చిట్కా

వడలు మరింత క్రిస్పీగా రావాలంటే సగ్గుబియ్యంలో నీరు అస్సలు మిగలకుండా చూసుకోవాలి. అలాగే వేయించేటప్పుడు మంట చాలా ఎక్కువగా ఉండకూడదు.