Stomach Pain: మీకూ తరచూ కడుపు నొప్పి వస్తుందా? జాగ్రత్త.. ఆ ప్రాణాంతక వ్యాధికి సంకేతం కావచ్చు
కడుపు నొప్పిని సాధారణ ఆరోగ్య సమస్యగా భావించి చాలా మంది విస్మరిస్తుంటారు. ఇది గ్యాస్, అలసట, ఆహారంలో మార్పు వల్ల వస్తుందని భావిస్తారు. కానీ కడుపు నొప్పి తరచుగా సంభవిస్తే అది శరీరంలోని అంతర్గత సమస్యకు సంకేతం కూడా కావచ్చని మర్చిపోకూడదు. ఇటువంటి నొప్పితో పాటు కడుపులో..
Updated on: Feb 16, 2026 | 9:02 PM
కొంతమందికి వేళాపాళా లేకుండా తరచుగా కడుపు నొప్పి వస్తుంటుంది. కానీ దీనిని సాధారణ ఆరోగ్య సమస్యగా భావించి చాలా మంది విస్మరిస్తుంటారు. ఇది గ్యాస్, అలసట, ఆహారంలో మార్పు వల్ల వస్తుందని భావిస్తారు. కానీ కడుపు నొప్పి తరచుగా సంభవిస్తే అది శరీరంలోని అంతర్గత సమస్యకు సంకేతం కూడా కావచ్చని మర్చిపోకూడదు. ఇటువంటి నొప్పితో పాటు కడుపులో మంట, బరువు తగ్గడం, వికారం, ఆకలి లేకపోవడం, తరచుగా విరేచనాలు లేదా మలబద్ధకం, ఉబ్బరం, అలసట వంటి ఇతర లక్షణాలు కూడా కనిపించవచ్చు. కొంతమందికి కడుపు నొప్పి సమయంలో తలనొప్పి, తలతిరుగుతున్నట్లు కూడా అనిపిస్తుంది. ఈ నొప్పి చాలా కాలం పాటు కొనసాగితే మీ రోజువారీ కార్యకలాపాలను సరిగ్గా చేయలేకపోతే అస్సలు నిర్లక్ష్యం చేయకూడదు. శరీరం ఇటువంటి లక్షణాల ద్వారా హెచ్చరికలు ఇస్తుంది. కాబట్టి తరచుగా కడుపు నొప్పి కనిపిస్తే ఇది ఏ వ్యాధి సంకేతమో.. దానిని నివారించడానికి ఏమి చేయాలో నిపుణుల మాటల్లో మీ కోసం..
తరచుగా కడుపు నొప్పి ఏ వ్యాధి లక్షణం?
ఆర్ఎంఎల్ హాస్పిటల్లోని వైద్య విభాగం డైరెక్టర్ ప్రొఫెసర్ డాక్టర్ సుభాష్ గిరి దీని గురించి ఏం చెబుతున్నారంటే.. తరచూ వచ్చే కడుపు నొప్పి వివిధ రకాల వ్యాధుల లక్షణం కావచ్చు. వీటిలో ఐబిఎస్, ఇన్ఫ్లమేటరీ బవెల్ డిసీజ్ (ఐబిడి), గ్యాస్ట్రోఎసోఫాగియల్ రిఫ్లక్స్ డిసీజ్ (జిఇఆర్డి), సెలియాక్ డిసీజ్, గ్యాస్ట్రోఎంటెరిటిస్, బాక్టీరియల్ ఇన్ఫెక్షన్లు, పిత్తాశయ రాళ్ళు, అపెండిసైటిస్, ప్యాంక్రియాటైటిస్, మూత్రపిండాల్లో రాళ్ళు వంటి ఎన్నో వ్యాధులకు కడుపు నొప్పి కూడా ఓ సంకేతం. పెప్టిక్ అల్సర్లు, ఒత్తిడి, హెర్నియా, లాక్టోస్ అసహనం వంటి ఆహార అలెర్జీలు కూడా నొప్పిని కలిగిస్తాయి. కొన్నిసార్లు అనారోగ్యకరమైన ఆహారపు అలవాట్లు, క్రమరహిత దినచర్య,దీర్ఘకాలిక ఒత్తిడి, ఆందోళన కారణంగా కూడా కడుపు నొప్పి వస్తుంది. నొప్పి నిరంతరం ఉండి, బరువు తగ్గడం, బలహీనత వంటి ఇతర తీవ్రమైన లక్షణాలు ఉంటే దానిని విస్మరించకూడదు. సరైన కారణాన్ని గుర్తించడానికి సకాలంలో చికిత్స తీసుకోవడానికి వైద్యుడిని సంప్రదించాలి.
కడుపు నొప్పిని ఎలా నివారించాలి?
కడుపు నొప్పిని నివారించడానికి ముందుగా మీ రోజువారీ అలవాట్లను మెరుగుపరచుకోవడం చాలా ముఖ్యం. క్రమం తప్పకుండా సమతుల్య ఆహారం తీసుకోవాలి. వేయించిన, కారంగా ఉండే ఆహారాలు తీసుకోవడం తగ్గించాలి. పుష్కలంగా నీళ్లు తాగాలి. ప్రతిరోజూ తేలికపాటి వ్యాయామం చేయాలి. ఒత్తిడిని తగ్గించడానికి యోగా, ధ్యానం వంటి ఆరోగ్యకరమైన అలవాట్లను అలవర్చుకోవాలి. వీటన్నిటితో పాటు భోజనం తర్వాత వెంటనే నిద్రపోకుండా కాసేపు వాకింగ్ చేయాలి. శుభ్రత పాటించాలి.
మరిన్ని ఆరోగ్య కథనాల కోసం క్లిక్ చేయండి.
