తెలంగాణలో కరోనా తగ్గుముఖం, కొత్తగా 661 పాజిటివ్ కేసులు, 3 మరణాలు

తెలంగాణలో కరోనా వ్యాప్తి పూర్తిగా అదుపులోకి వచ్చినట్లు కనిపిస్తోంది. రాష్ట్రంలో కొత్తగా 661 పాజిటివ్ కేసులు నమోదయ్యాయి. ఫలితంగా మొత్తం కేసుల సంఖ్య 2,57,374కు చేరింది.

Ram Naramaneni | Edited By: |
Updated on: Nov 15, 2020 | 11:14 AM

తెలంగాణలో కరోనా వ్యాప్తి పూర్తిగా అదుపులోకి వచ్చినట్లు కనిపిస్తోంది. రాష్ట్రంలో కొత్తగా 661 పాజిటివ్ కేసులు నమోదయ్యాయి. ఫలితంగా మొత్తం కేసుల సంఖ్య 2,57,374కు చేరింది. వైరస్‌తో తాజాగా ముగ్గురు ప్రాణాలు విడువగా… మొత్తం మరణాల సంఖ్య 1,404కు పెరిగినట్లు రాష్ట్ర వైద్య ఆరోగ్యశాఖ బులిటెన్‌లో వెల్లడించింది. వైరస్ నుంచి తాజాగా 1,637 మంది బాధితులు కోలుకున్నారు. ఇప్పటివరకు రాష్ట్రవ్యాప్తంగా 2,40,545 మంది కరోనాను జయించారు.

రాష్ట్రంలో ప్రస్తుతం 15,425 కరోనా యాక్టివ్ కేసులు ఉన్నాయి. ఇందులో 12,888 మంది బాధితులు హోం ఐసోలేషన్‌లో ఉన్నారు. కొత్తగా జీహెచ్‌ఎంసీ పరిధిలో అత్యధికంగా 167 కరోనా కేసులు నమోదయ్యాయి. రంగారెడ్డి జిల్లాలో 57, మేడ్చల్ జిల్లాలో 45 కొత్తగా పాజిటివ్ కేసులు వెలుగుచూశాయి.