వెబ్ సిరీస్‌లో టాలీవుడ్ బేబీ..!

టాలీవుడ్ బేబీ సమంత ఇకపై బుల్లితెరపై కూడా సందడి చేయనుంది. కేరళలో పుట్టిపెరిగినా.. తెలుగింటి కోడలిగా అడుగుపెట్టిన సామ్.. ఇక్కడి ప్రేక్షుకుల మదిలో సుస్థిర స్థానాన్ని సంపాదించుకుంది. అక్కినేని వారి కోడలిగా అత్తింటికి మంచి పేరుతెస్తోంది. ఇటీవల విడుదలై బాక్సాఫీసు కలెక్షన్స్ కొల్లగొట్టిన ఓ బేబీ మూవీతో తనలో నటనా వైవిధ్యాన్ని మరోసారి నిరూపించుకుంది సమంత. ఇదిలా ఉంటే ఇకపై వెబ్ సిరీస్‌లో కూడా కనువిందు చేసేందుకు రెడీ అయినట్టుగా వార్తలు వినిపిస్తున్నాయి. ఇప్పటికే ఓ ప్రాజెక్టుకు సైన్ కూడా చేసినట్టుగా తెలుస్తోంది.

ఈ వెబ్ సిరీస్‌కు సంబంధించి షూటింగ్ మొత్తం చెన్నైలోనే సాగుతుందట. ఈ చిత్రం హిందీతో సహా దక్షిణాది భాషల్లో తెరకెక్కిస్తున్నారని సమాచారం. అయితే మీడియాలో వెబ్ సిరీస్‌కు సంబంధించి వార్తలు వస్తున్నప్పటికీ సమంత ఇంతవరకు స్పందించలేదు. ఇందులో నిజం ఎంతో తెలియాలంటే మాత్రం కొన్ని రోజులు ఆగాల్సిందే మరి.