హైదరాబాద్ డాక్టర్ హుస్సేన్ కిడ్నాప్ వ్యవహారంలో షాకింగ్ విషయాలు

హైదరాబాద్ రాజేంద్రనగర్ కు చెందిన డెంటల్ డాక్టర్ హుస్సేన్ కిడ్నాప్ వ్యవహారంలో షాకింగ్ విషయాలు వెలుగులోకి వస్తున్నాయి. హుస్సేన్ అకౌంట్ లో పెద్ద మొత్తంలో నగదు ఉందని తెలుసుకున్న అతని బంధువు ముస్తఫా ఈ కిడ్నాప్ చేయించినట్టు తెలుస్తోంది. డాక్టర్ ను కిడ్నాప్ చేసి డబ్బులు డిమాండ్ చేయాలని ప్లాన్ చేసుకున్న రియల్ ఎస్టేట్ వ్యాపారి అయిన ముస్తఫా.. వాట్సాప్ కాల్ చేసి హుస్సేన్ కుటుంబ సభ్యులను కిడ్నాపర్ల చేత డబ్బులు డిమాండ్ చేయించాడు. ఆ డబ్బులు కూడా బిట్ కాయిన్ రూపంలో కావాలంటూ డిమాండ్ చేశాడు. ఫోన్ నెంబర్ ఆధారంగా వెహికిల్ ని ట్రేస్ చేసిన సైబరాబాద్ పోలీసులు.. అనంతపురం పోలీసులకు సమాచారమిచ్చారు. డాక్టర్ హుస్సేన్ అపార్ట్మెంట్ లో అద్దెకు ఉండే ఖలీద్ ను అదుపులోకి తీసుకుని పూర్తిస్థాయిలో విచారించగా కిడ్నాప్ వ్యవహారం బయటపడింది. పోలీసుల అదుపులో ప్రస్తుతం ఆరుగురు నిందితులు ఉన్నారు. డాక్టర్ హుస్సేన్ స్టోరీ: ‘హైదరాబాద్‌లో కిడ్నాప్.. అనంతలో చేజింగ్’