ఆ సక్సెస్‏ఫుల్ డైరెక్టర్ సినిమాకు నో చెప్పిన మాస్ మహారాజా రవితేజ.. కారణం ఇదేనా ?..

హిట్టు, ప్లాప్‏లతో సంబంధం లేకుండా వరుస సినిమాలు చేస్తూ తెగ బిజీగా ఉన్నాడు మాస్ మాహారాజా రవితేజ. ప్రస్తుతం రవితేజ క్రాక్ సినిమా చిత్రీకరణలో ఉన్నాడు. అటు ఈ సినిమా వచ్చే ఏడాది సంక్రాతి కానుకగా విడుదల చేసెందుకు చిత్రబృందం సిద్ధమవుతోంది. కాగా రవితేజ్ మరో సక్సెస్‏ఫుల్ డైరెక్టర్‏తో చేయాల్సిన సినిమా నుంచి తప్పుకున్నట్లుగా వార్తలు వినిపిస్తున్నాయి.

గత సంవత్సరం ప్రతిరోజు పండగే సినిమాతో మంచి విజయం అందుకున్న డైరెక్టర్ మారుతి. ఆ సినిమా తర్వాత మాస్ మహారాజా రవితేజతో ఓ సినిమా చేయాలని అనుకున్నాడు. ఆ సినిమాకు సంబంధించిన కథను రవితేజకు కూడా వినిపించడట. కథ నచ్చడంతో మాస్ మాహారాజా ఆ సినిమాకు గ్రీన్ సిగ్నల్ కూడా ఇచ్చేశాడని అప్పట్లో వార్తలు వచ్చాయి. తాజా సమచారం ప్రకారం ఈ సినిమా ఆగిపోయినట్లుగా తెలుస్తోంది. పారితోషికం విషయంలో తేడా రావడంతో ఆ సినిమా నుంచి రవితేజ తప్పుకున్నట్లుగా ఫిల్మ్ నగర్లో టాక్ వినిపిస్తోంది. కాగా రవితేజతో సినిమా తీసెందుకు మారుతి దర్శకత్వంలో గీతా-2, యూవీ క్రియేషన్స్ సంస్థలు సంయుక్తంగా ఈ చిత్రం ప్లాన్ చేసినట్లుగా తెలుస్తోంది. కానీ రవితేజ పారితోషికం విషయంలో తేడా రావడంతో ఈ సినిమా ఆగిపోయిందని.. వేరే హీరోతో ఈ మూవీ తెరకెక్కించడానికి చిత్రయూనిట్ సిద్ధమవుతోందని తెలుస్తోంది. ఈ వార్తలు నిజామా కావా అని తెలియాలంటే కొన్ని రోజులు ఆగాల్సిందే.