ఆకట్టుకుంటోన్న ‘రంగ్ దే’ న్యూలుక్… పండగ శుభాకాంక్షలు తెలుపుతూ ట్వీట్ చేసిన నితిన్.

rangde new look: నితిన్, కీర్తి సురేశ్ జంటగా ‘రంగ్ ‌దే’ చిత్రం తెరకెక్కుతోన్న విషయం తెలిసిందే. ఇప్పటికే సగానికిపైగా షూటింగ్ జరుపుకున్న ఈ చిత్ర షూటింగ్ కరోనా కారణంగా వాయిదా పడింది. అయితే తాజాగా మళ్లీ చిత్ర యూనిట్ సినిమా చిత్రీకరణను తిరిగి ప్రారంభించింది. ఇదిలా ఉంటే ఇప్పటికే చిత్ర యూనిట్ విడుదల చేసిన ఫస్ట్ లుక్ సినిమాపై అంచనాలు పెంచేసిందని చెప్పాలి. పోస్టర్‌లలో నితిన్, కీర్తి స్టిల్స్ చూస్తుంటే ఇది పక్కా యూత్, లవ్ ఎంటర్‌టైనర్‌లా కనిపిస్తోంది.

MERRY CHRISTMAS ?

VAIKUNTA EKADASI SUBHAKANKSHALU ? pic.twitter.com/UOANhTHAM1

— nithiin (@actor_nithiin) December 25, 2020

ఇక తాజాగా హీరో నితిన్ క్రిస్మస్, వైకుంఠ ఏకాదశిని పురస్కరించుకొని రంగ్ దే చిత్రానికి సంబంధించిన మరో రెండు కొత్త స్టిల్స్‌ను విడుదల చేశాడు. ట్విట్టర్ వేదికగా ఈ పోస్టర్లను పోస్ట్ చేసిన నితిన్.. అభిమానులకు పండగా శుభాకాంక్షలు తెలియజేశాడు. కీర్తి, నితిన్ కలిసి ఉన్న ఫొటో అభిమానులను ఎంతగానో ఆకట్టుకుంటోంది. మరో లవ్ స్టోరీతో ప్రేక్షకుల ముందుకు వస్తోన్న నితిన్ ఎలాంటి విజయాన్ని అందుకుంటాడో చూడాలి.