ఆల్క‌హాల్ అనుకుని శానిటైజర్ తాగి…ఖైదీ మ‌ర‌ణం..!

ఓ ఖైదీ తెలియ‌క ఆల్క‌హాల్ అనుకోని శానిటైజ‌ర్ తాగాడు. దీంతో కొద్దిసేప‌టికి అత‌డు అప‌స్మార‌క స్థితికి వెళ్లిపోవ‌డంతో..జైలు సిబ్బంది అత‌డిని ఆస్ప‌త్రికి త‌ర‌లించారు. అక్క‌డ చికిత్స పొందుతూ మృతిచెందాడు. వివరాల్లోకి వెళితే.. కేరళ రాష్ట్రంలోని పాలక్కాడ్‌ జైలులో రామన్ కుట్టి ఫిబ్రవరి 18 నుంచి రిమాండ్ ఖైదీగా ఉన్నాడు. ప్ర‌స్తుతం ఉన్న ప‌రిస్థితుల వ‌ల్ల జైలులో ఖైదీలతో రాష్ట్ర ప్రభుత్వం శానిటైజర్లను తయారు చేయిస్తోంది. రిమాండ్ లో ఉన్న రామ‌న్ కు ఆల్క‌హాల్ దొరక్క‌పోవ‌డంతో..ఉండ‌బ‌ట్ట‌లేక శానిటైజ‌ర్ సేవించి ఉండ‌వ‌చ్చ‌ని ఆస్ప‌త్రిలో అత‌నికి చికిత్స చేసిన వైద్యులు ఊహించ‌ని అనుమానాన్ని వెళ్ళిబుచ్చారు.

హ్యాండ్ శానిటైజర్ తయారీలో ఐసోప్రొఫైల్ ఆల్కహాల్‌ను వినియోగిస్తారు. దీంతో రామ‌న్ ఆల్కాహాల్ అనుకోని శానిటైజ‌ర్ తాగి ఉండొచ్చ‌ని జైలు అధికారులు ప్రాథ‌మిక నిర్ధార‌ణ‌కు వ‌చ్చారు. కేసు నమోదు చేసుకున్న పోలీసులు వివ‌రాలు సేక‌రిస్తున్నారు.