మహేష్ బాబు పొలంలో ఏ పంటలు పండిస్తున్నారో తెలుసా.? తమ వ్యవసాయ క్షేత్రానికి సంబంధించిన వీడియోను షేర్ చేసిన నమ్రత.

ఇటీవలి కాలంలో సెలిబ్రిటీలు వ్యవసాయంపై ఎక్కువగా ఆసక్తికనబరుస్తున్నారు. తమ ఫామ్ హౌజ్‌లో ఎలాంటి రసాయనాలను ఉపయోగించకుండా ఆర్గానిక్ పంటలను పండిస్తున్నారు. ఇప్పటికే పవన్ కళ్యాణ్, ప్రకాశ్ రాజ్ లాంటి తారలు తమ ఫామ్ హౌజ్‌లను వ్యవసాయ క్షేత్రాల్లా మార్చేసి ఎంచక్కా పంటలు పండించేస్తున్నారు. నటి సమంత కాస్త భిన్నంగా ఆలోచించి ఆధునిక పద్ధతులతో ఇంటి పంటను పండిస్తోంది. తాము ఏ పంటలను పండిస్తున్నాము, పొలాల్లో ఏం చేస్తున్నాం లాంటి వివరాలను తారలు ఎప్పటికప్పుడు సోషల్ మీడియా వేదికగా అభిమానులతో పంచుకుంటున్నారు. తాజాగా అలాంటి ఓ వీడియోనే నటి, మహేష్ బాబు సతీమణి నమ్రత శిరోద్కర్ ఇన్‌స్టాగ్రామ్ వేదికగా షేర్ చేశారు.

నమ్రత పోస్ట్ చేసిన వ్యవసాయ క్షేత్రానికి సంబంధించిన వీడియో ప్రస్తుతం నెట్టింట్లో వైరల్‌గా మారింది. తమ ఫామ్ హౌజ్‌లో పండిస్తోన్న పంటలన్నింటినీ వీడియో తీసి అభిమానులతో పంచుకున్నారు నమ్రత. ‘మై డే ఎట్ వెజ్జి ఫామ్’ పేరుతో రూపొందించిన ఈ వీడియోలో మహేష్ ఫామ్ హౌజ్‌లో పండిస్తోన్న టమోటా, మిర్చి, బెండకాయ, వరి, పత్తి పంటలను చూపించారు. ఇక ఈ వీడియోతో పాటు.. ‘మా ఫామ్‌లో పండే కూరగాయల్లాగా ఏవీ ఉండవు.. ఇవంటే నాకు చాలా ఇష్టం’ అని రాసుకొచ్చారు నమ్రత.

View this post on Instagram

A post shared by Namrata Shirodkar (@namratashirodkar)