గ్రాండ్‌గా నిశ్‌-చయ్‌ వెడ్డింగ్.. భావోద్వేగానికి గురైన తండ్రి నాగబాబు..సెంటర్‌ ఆఫ్‌ అట్రాక్షన్‌గా చిరు, పవన్

Niharika Wedding : మెగా వారసురాలు నిహారిక వివాహం వైభవంగా జరిగింది. వేద మంత్రాల నడుమ చైతన్య జొన్నలగడ్డ ఆమె మెడలో మూడు ముళ్లు వేసి, ఏడడుగులు నడిచారు. రాజస్థాన్‌ ఉదయ్‌పూర్‌లోని ఉదయ్ విలాస్‌లో పూలు, తోరణాలతో అందంగా అలంకరించిన మండపంలో ఇద్దరూ వివాహ బంధంతో ఒక్కటయ్యారు.

ముహూర్తం వేళ పెళ్లి కుమార్తె నిహారిక బంగారు వర్ణం దుస్తుల్లో మెరిసిపోయారు. కుటుంబ సభ్యులు, అత్యంత సన్నిహితులు వధూవరులను ఆశీర్వదించారు. ఈ శుభకార్యానికి సంబంధించిన ఫొటోలు సోషల్‌ మీడియాలో వైరల్‌గా మారాయి. పలువురు సినీ ప్రముఖులతో పాటు నెటిజన్లు నూతన దంపతులకు శుభాకాంక్షలు చెప్పారు. వారి జీవితం సంతోషం, ప్రేమతో నిండిపోవాలని కోరుకుంటున్నట్లు పోస్ట్‌లు చేశారు.

ఈ సందర్భంగా నాగబాబు భావోద్వేగానికి గురయ్యారు. నా కుమార్తె తొలి రోజు పాఠశాలకు వెళ్తున్నట్లు అనిపిస్తోంది.. కానీ ఆమె సాయంత్రం తిరిగి ఇంటికి రాదని ఇన్‌స్టాగ్రామ్‌లో రాసుకొచ్చారు. నా చిన్నారి ఎదిగి, పాఠశాలకు వెళ్తున్నప్పుడు ఆమెతో రోజులో 24 గంటలు ఆడుకోలేనని నా మనసుకు చెప్పడానికి కొన్ని సంవత్సరాలు పట్టిందని అందులో రాసుకొచ్చారు. ఈ సారి ఎంత కాలం పడుతుందో చూడాలి… దాన్ని కాలమే నిర్ణయిస్తుంది. నిన్ను చాలా మిస్‌ అవుతున్నా నిహారిక తల్లి అంటూ పెళ్లి ఫొటో షేర్‌ చేశారు నాగబాబు.

ఇక నిహారిక పెళ్లి వేడుకలో చిరు, పవన్‌ సెంటర్‌ ఆఫ్‌ అట్రాక్షన్‌గా మారారు. పవన్‌ తన కొడుకు అకీర, కూతురు ఆద్యాతో కలిసి వచ్చారు. మరోవైపు పెళ్లి సందర్భంగా.. కొణిదెల, అల్లు ఫ్యామిలీ మెంబర్స్‌ అంతా కలిసి దిగిన ఫొటోలు వైరల్‌గా మారుతున్నాయి.