కేజీఎఫ్ అభిమానులకు గుడ్ న్యూస్.. రాకీ భాయ్ వచ్చేస్తున్నాడు.. మరో రెండు రోజుల్లో బిగ్ ట్రీట్.!!

KGF Movie Update: కన్నడ స్టార్ హీరో రాకింగ్ స్టార్ యష్ ప్రధాన పాత్రలో దర్శకుడు ప్రశాంత్ నీల్ తెరకెక్కిస్తున్న భారీ యాక్షన్ థ్రిల్లర్ ‘కేజీఎఫ్ – చాప్టర్  2’. ఇప్పటికే గతంలో వీరిద్దరి కాంబినేషన్‌లో రూపొందిన చాప్టర్-1 దేశవ్యాప్తంగా ఎన్నో రికార్డులను తిరగరాసింది. దీనితో చాప్టర్ -2పై అన్ని భాషల్లో భారీ అంచనాలు నెలకొన్నాయి.

కరోనా కారణంగా వాయిదాపడిన ఈ సినిమా షూటింగ్ ఇప్పుడు చివరి దశకు చేరుకుంది. దీనితో ఎప్పటినుంచో అప్డేట్స్ కోసం ఎదురుచూస్తున్న అభిమానులకు చిత్ర యూనిట్ క్రిస్మస్ ట్రీట్ ఇచ్చేందుకు సిద్ధమైంది. ఈ విషయాన్ని దర్శకుడు ప్రశాంత్ నీల్ స్వయంగా సోషల్ మీడియా వేదికగా వెల్లడించాడు.

సరిగ్గా రెండేళ్ల క్రితం డిసెంబర్ 21న కేజీఎఫ్- చాప్టర్ 1′ విడుదలైన సంగతి తెలిసిందే. అదే రోజున ఓ మాన్స్టర్ అప్డేట్ ఇవ్వనున్నట్లు స్పష్టం చేశారు. డిసెంబర్ 21న ఉదయం 10 గంటల 8 నిమిషాలకు ఓ అదిరిపోయే ట్రీట్ ఫ్యాన్స్‌కు ఉంటుందని తెలిపారు. కాగా, ఈ సినిమాలో విలన్ అధీర రోల్‌లో బాలీవుడ్ నటుడు సంజయ్ దత్ నటిస్తుండగా.. శ్రీనిధి శెట్టి, రవీనా టండన్, ప్రకాష్ రాజ్ తదితరులు కీలక పాత్రల్లో కనిపించనున్నారు.

Here’s the much anticipated news of the year! The wait is over! This is for all our crazy fans out there. #KGFChapter2@VKiragandur @TheNameIsYash @prashanth_neel @hombalefilms @duttsanjay @SrinidhiShetty7 @TandonRaveena @bhuvangowda84 @BasrurRavi @Karthik1423 pic.twitter.com/yOTtATPpAs

— BARaju (@baraju_SuperHit) December 19, 2020