నిరుద్యోగుల ఉపాధి కోసం ‘డీట్‌’ యాప్!
నిరుద్యోగులకు శుభవార్త..! ఉద్యోగ సమాచారం ఇక ఒక్క మొబెల్‌ క్లిక్‌ దూరంలో లభించనుంది. నిరుద్యోగుల కోసం తెలంగాణ ప్రభుత్వం డిజిటల్‌ ఎంప్లాయ్‌మెంట్‌ ఎక్స్‌చేంజ్‌ ఆఫ్‌ తెలంగాణ (డీట్‌) యాప్‌ను అందుబాటులోకి తీసుకువచ్చింది. స్టోరీ టెక్ ప్రైవేట్‌ లిమిటెడ్‌ సహకారంతో రూపొందించిన ఈ యాప్‌లో థర్డ్‌పార్టీ ఏజెన్సీల ప్రమేయం ఉండదు. ఐటీ శాఖ ముఖ్య కార్యదర్శి జయేశ్‌రంజన్‌తో కలిసి.. మంత్రి మల్లారెడ్డి సోమవారం డీట్‌ యాప్‌ను ఆవిష్కరించారు. ఈ సందర్భంగా మంత్రి మాట్లాడుతూ.. తెలంగాణలోని ఐటీ, రిటైల్‌, ఈ-కామర్స్‌, […]
TV9 Telugu Digital Desk | Edited By:
Updated on: Aug 28, 2019 | 3:37 AM
నిరుద్యోగులకు శుభవార్త..! ఉద్యోగ సమాచారం ఇక ఒక్క మొబెల్‌ క్లిక్‌ దూరంలో లభించనుంది. నిరుద్యోగుల కోసం తెలంగాణ ప్రభుత్వం డిజిటల్‌ ఎంప్లాయ్‌మెంట్‌ ఎక్స్‌చేంజ్‌ ఆఫ్‌ తెలంగాణ (డీట్‌) యాప్‌ను అందుబాటులోకి తీసుకువచ్చింది. స్టోరీ టెక్ ప్రైవేట్‌ లిమిటెడ్‌ సహకారంతో రూపొందించిన ఈ యాప్‌లో థర్డ్‌పార్టీ ఏజెన్సీల ప్రమేయం ఉండదు. ఐటీ శాఖ ముఖ్య కార్యదర్శి జయేశ్‌రంజన్‌తో కలిసి.. మంత్రి మల్లారెడ్డి సోమవారం డీట్‌ యాప్‌ను ఆవిష్కరించారు. ఈ సందర్భంగా మంత్రి మాట్లాడుతూ.. తెలంగాణలోని ఐటీ, రిటైల్‌, ఈ-కామర్స్‌, అడ్వర్‌టైజింగ్‌, టెలికమ్యూనికేషన్స్‌, ఇన్సూరెన్స్‌, బ్యాంకింగ్‌, ఫార్మా, రియల్‌ ఎస్టేట్‌ రంగాల్లో దాదాపు 45 వేల ప్రైవేటు ఉద్యోగాలు డీట్‌ యాప్‌లో అందుబాటులో ఉన్నాయని తెలిపారు. ‘‘ప్రైవేటు, ప్రభుత్వోద్యోగాల సమాచారాన్ని ఈ యాప్‌లో పొందుపరిచాం. అభ్యర్థులు నేరుగా సంబంధిత కంపెనీకి దరఖాస్తు చేసుకోవచ్చు. యాప్ ద్వారానే ఇంటర్వ్యూలు జరిపే వెసులుబాటు ఉంది’’ అని ఆయన వివరించారు. గూగుల్‌ ప్లేసోర్‌ నుంచి ఈ యాప్‌ను డౌన్‌లోడ్‌ చేసుకోవచ్చు.
