సూరత్‌లో భారీ అగ్నిప్రమాదం.. 19 మంది మృతి

గుజరాత్‌లోని సూరత్‌లో శుక్రవారం మధ్యాహ్నం భారీ అగ్నిప్రమాదం చొటుచేసుకుంది. తక్షశిల భవనంలోని మూడవ, నాలుగవ అంత‌స్థుల్లో ఈ ప్రమాదం జరిగింది. ఆ సమయంలో అక్కడి కోచింగ్ సెంటర్ లోని విద్యార్థులు ఆత్మ రక్షణ‌ కోసం బిల్డింగ్ మీది నుండి కిందికి దూకారు. ఈ ఘోర ప్రమాదంలో 19 మంది మృతి చెందారు. అగ్ని మాపక యంత్రాలు మంటలను ఆర్పేందుకు తీవ్రంగా కృషిచేస్తున్నాయి. ప్రమాదంలో భారీ ఆస్తినష్టం జరిగినట్లు తెలుస్తోంది. ప్రమాద సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకున్నారు. 19 ఫైర్‌ ఇంజన్ల సహాయంతో మంటల్ని అదుపులోకి తీసుకురావడానికి ప్రయత్నిస్తున్నారు.