Honda Activa Record: సరికొత్త రికార్డు సృష్టించిన హోండా యాక్టివా.. అతి స్వల్ప కాలంలో విక్రయాలు

Honda Activa Record: భారత్‌లో అత్యధికంగా విక్రయం అవుతున్న ద్విచక్ర వాహన బ్రాండ్‌ హోండా యాక్టివా. ఈ వాహనం సరికొత్త రికార్డు సృష్టించింది. యాక్టివా విక్రయాలు 2.5 కోట్ల మార్క్‌ను అధిగమించాయని హోండా మోటారు సైకిల్‌ అండ్‌ స్కూటర్‌ ఇండియా ప్రైవేట్‌ లిమిటెడ్‌ ప్రకటించింది. అయితే ఈ రికార్డును దక్కించుకున్న మొదటి స్కూటర్‌ బ్రాండ్‌ ఇదే కావడం గమనార్హం. భారత్‌ ద్విచక్ర వాహన పరిశ్రమ చరిత్రలో ఇంత తక్కువ కాలంలో ఈ స్థాయిలో విక్రయాలు జరిపిన కంపెనీ హోండానే. 20 ఏళ్ల కిందట 2001లో మొదటిసారి భారత్‌లో యాక్టివాను ఆవిష్కరించింది.

మార్కెట్లోకి అడుగుపెట్టిన మూడేళ్ల కాలంలోనే స్కూటీ సెగ్మెంట్‌లో యాక్టివా మార్కెట్‌ లీడర్‌గా అవతరించింది. 2008-09లో 110సీసీ ఇంజన్‌తో యాక్టివ్‌ను కస్టమర్లకు పరిచయం చేశారు. అయితే కంపెనీ ఇటీవల కాలంలో బీఎస్‌ 6 వెర్షన్‌ వాహనాన్ని విడుదల చేయగా, వీటికి కూడా వినియోగదారుల నుంచి మంచి ఆదరణ లభించింది.

Also Read: Car Companies Hopes: కొత్త ఏడాదిలో కార్ల కంపెనీల ఆశలు.. సరికొత్త ఫీచర్లతో ఆకట్టుకునేందుకు ప్రయత్నాలు