‘జల్ జీవన్ మిషన్’ తో ప్రతి ఇంటికి తాగునీరు

చిన్న నగరాల్లో ఎయిర్ పోర్టుల నిర్మాణానికి ప్రభుత్వం పెద్ద పీట వేస్తోందన్నారు ఆర్థిక మంత్రి నిర్మలా సీతారామన్. జాతీయ రహదారుల గ్రిడ్ ఏర్పాటు చేస్తామన్నారు. భారత మాల ఫేజ్ 2లో రాష్ట్రాలకు సహకారం అందిస్తామని ఆమె తెలిపారు. రైల్వేకు రూ. 1.5 లక్షల కోట్ల నుంచి రూ. 1.6 లక్షల కోట్లు ఖర్చు అవుతోంన్నారు. ఒకే దేశం-ఒకే పవర్ గ్రిడ్ అనే నినాదంతో ముందుకెళతామన్నారు. పవర్ గ్రిడ్ ద్వారా రాష్ట్రాలకు తక్కువ ధరకు విద్యుత్ పంపిణీ జరుగుతోందన్నారు. విద్యుత్ టారిఫ్ పాలసీలో సంస్కరణలు అవసరమన్నారు. చిన్న తరహా పరిశ్రమలకు రూ. కోటి దాకా రుణం ఇస్తామని చెప్పారు. జీఎస్టీలో నమోదు చేసుకున్నవారికి 2 శాతం వడ్డీ రాయితీ ఉంటుందని నిర్మలా సీతారామన్ పేర్కొన్నారు. చిన్నతరహా పరిశ్రమల ఆర్థికసాయం కోసం రూ. 350 కోట్లు మంజూరు చేస్తామన్నారు. ప్రధానమంత్రి ఆవాస యోజనకు ఏటా రూ. 20 లక్షల కోట్లు మంజూరవుతున్నాయని చెప్పారు. లిస్టెడ్ కంపెనీల్లో పబ్లిక్ పార్ట్‌నర్ షిప్ 35 శాతానికి పెంపు చేసినట్లు తెలిపారు. 2024నాటికి దేశంలో ప్రతి ఇంటికి తారునీరు అందేలా చేస్తామని హామీ ఇచ్చారు. జల్ జీవన్ మిషన్ ద్వారా నీటిని అందిస్తామని నిర్మలా సీతారామన్ తెలిపారు.